મદદ / સુરતના ટેક્સટાઈલ ઉદ્યોગ માટે જાહેર થશે આર્થિક પેકેજ, સ્મૃતિ ઈરાનીએ કહ્યું કંઈક આવુ

• સુરતના ટેક્સટાઈલ ઉદ્યોગકારો સાથે મંત્રીએ વીડિયો કોન્ફરન્સથી કરી ચર્ચા
• ટેક્સટાઈલ ઉદ્યોગકારોએ સરકાર પાસે નુકસાનીને લઈને કરી રજૂઆત
• રમઝાન, લગ્નસીઝન ફેલ થતા નુકસાનીને લઈને મદદની કરી માગ

કેબિનેટ મિનિસ્ટર સ્મીતી ઈરાની સાથે સુરતના ટેક્સટાઈલ ઉદ્યોગકારોએ વાત કરી હતી. કેબિનેટ મંત્રીએ વીડિયો કોન્ફરન્સના માધ્યમથી આ ઉદ્યોગકારો સાથે વાતચીત કરી હતી. કોરોના સંકટને કારણે લાગેલા લોકડાઉનમાં રમધઝાન અને લગ્નગાળાની સિઝન જતી રહી છે જેમાં લોકો ખરીદી કરતા હોય છે. આ વેપાર ઉદ્યોગ બંધ થવાને કારણે અબજો રૂપિયાનું નુકસાન થયું છે. 

વેપારીઓએ શું કરી માંગ

વેપારીઓએ કેબિનેટ મંત્રી પાસે મુદ્રા લોન યોજના હેઠળ લોન આપવાની માગ કરી છે. વળી કાપડ ઉદ્યોગને પ્રોત્સાહન માટે વિશેષ પેકેજની પણ માગ કરાઈ છે. કારીગરોને ચૂકવેલા પગાર બાબતે પણ વેપારીઓએ રજૂઆત કરી છે. સ્મૃતિ ઈરાનીએ કાપડના નવા ઉત્પાદન માટે મદદની તૈયારી દર્શાવી હતી. 

વીડિયો કોન્ફરન્સમાં શું થઈ મહત્વની વાતો

• રમજાન, લગ્નસિઝન સહિતની સિઝન ફેલ જતા બહુ મોટી નુકશાની
• અગાઉ મોકાયેલા પાર્સલ ના પેમેન્ટ નો સૌથી મોટો પ્રશ્ન
• મુદ્રા લોન યોજના હેઠળ ટેક્સટાઇલ ઉદ્યોગકારો અને વેપારીઓને લોન ફાળવવામાં આવે
• સુરત કાપડ ઉદ્યોગને પ્રોત્સાહન માટે વિશેષ પેકેજ ની માંગ
• લોકડાઉનમાં કારીગરોને ચૂકવાયેલા પગાર બાબતે પણ થઈ રજુઆત
• ટેક્સટાઇલ મંત્રી સ્મૃતિ ઈરાનીએ કાપડના નવા ઉત્પાદનો માટે મદદ ની તૈયારી દર્શાવી