સામન્ય જનતા માસ્ક ન પહેરો તો પણ 1000નો દંડ વસૂલતુ તંત્ર નેતાઓ આગળ કેમ ઢીલુ પડી જાય છે તે જ મોટો પ્રશ્ન છે. પોરબંદર કુતિયાણામાં આવો જ નજારો જોવા મળ્યો હતો.
સાંસદ રમેશ ધડૂક ફરી વિવાદમાં
ધડૂકે મહામારીમાં ભીડ કરી એકઠી
મહામારીમાં બેદરકારી સાંસદની બેજવાબદારી
પોરબંદરના સાંસદ વધુ એક વખત વિવાદમાં આવ્યાં છે. સાંસદ રમેશ ધડુકે ફરી કોરોના ગાઈડલાઈનો જાહેરમાં ભંગ કર્યો છે. સાંસદ રમેશ ધડુક કુતિયાણા વિસ્તારમાં લોકોના ટોળામાં જોવા મળ્યા હતા. કુતીયાણામાં સુદામાં ડેરીની મુલાકાતમાં સાંસદે ભીડ ભેગી કરી હતી. આ ભીડ કોરોનાને આમંત્રણ આપતી હોવાની સામાન્ય વાત કેમ સાંસદ ભૂલી જાય છે તે મોટો પ્રશ્ન છે.
ઉઠી રહ્યા છે પ્રશ્ન
શું આ સંક્રમણ વધારવા ઢોલ નગારા સાથે નીકળ્યા છે? સામાન્ય લોકોને માસ્ક ન પહેરવા પર એક હજારનો દંડ છે અને નેતાઓ બિન્દાસ પણે ગાઇડ લાઇનનો ભંગ કરી રહ્યા છે. માસ્ક વગર ફરતા લોકોના ટોળા વચ્ચે સાંસદને જરાય જવાબદારીનું ભાન નથી? તેવા સવાલો ઉભા થઈ રહ્યા છે.
ઉલ્લેખનીય છે કે, રાજ્યમાં હાલમાં 13481 એક્ટિવ કેસ છે. રાજ્યમાં રિકવરી રેટ 92.21 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 60,423 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 86,13,587 પર પહોંચ્યો છે.
અમદાવાદ જિલ્લામાં 260 કેસ
આજે અમદાવાદ શહેરમાં 251, અમદાવાદ જિલ્લામાં 9, સુરત શહેરમાં 158, સુરત જિલ્લામાં 20, વડોદરા શહેરમાં 117, વડોદરા જિલ્લામાં 40, રાજકોટ શહેરમાં 98, રાજકોટ જિલ્લામાં 28, ઉત્તર ગુજરાતના મહેસાણામાં નવા 45 કોરોનાના કેસ નોંધાયા છે. નોંધનીય છે કે, અમદાવાદ બાદ સુરતમાં અને હવે મહેસાણામાં પણ કોરોનાને લઇને સ્થિતિ વધુ વણસેલી છે.
રાજ્યમાં છેલ્લા 24 કલાકમાં નોંધાયેલા જિલ્લાવાર કોરોનાના કેસની વિગત