સલામ / કોરોનાની મહામારી સામેની જંગમાં આ નાનકડા યૌદ્ધાઓએ એ કરી બતાવ્યુ જે મોટા મોટા સૂરમાં ન કરી શકે

• આ બાળકો બચાવશે પોતાના સ્વજનોને કોરોનાથી
• લોધિકા તાલુકામાં વેક્સિનેશન માટે અનોખી પહેલ રંગ લાવી
• લોધિકા 100 ટકા વેક્સિનેશન સાથે રાજ્યમાં સૌથી અવ્વલ

રાજકોટમાં એક અનોખી સિદ્ધિ સામે આવી છે. બાળકો એ કરી બતાવ્યુ છે જે ભલ ભલા ન કરી શકે. આ બાળકો  પોતાના સ્વજનોને કોરોનાથી બચાવશે. લોધિકા તાલુકામાં વેક્સિનેશન માટે અનોખી પહેલ રંગ લાવી છે. લોધિકા 100 ટકા વેક્સિનેશન સાથે રાજ્યમાં સૌથી અવ્વલ છે. 

લોધિકાના બાળકોએ વેક્સિન લેવા પત્ર લખી લોકોને અપીલ કરી હતી. બાળકોએ તેમના જ નહીં પણ દરેકના માતા-પિતા, દાદા-દાદીને વેક્સિન મુકાવવા  વિનંતી કરી હતી. જે વિનંતી સાંભળીને ગુજરાતનું પ્રથમ ગામ બન્યુ છે જ્યાં વસતીના પ્રમાણમાં સૌથી વધુ રસીઓ મૂકવામાં આવી છે. લોધિકામાં 45 થી 59 વર્ષના 4191 લોકોએ વેક્સિન લીધી છે જ્યારે 60 વર્ષથી વધુ વયના 5170માંથી 5169 લોકોએ વેક્સિન લીધી છે.