ડરામણાં દ્રશ્યો / રાજકોટમાં કોરોનાનો કહેર : સિવિલ બહારની સ્થિતિ જોઈને કહેશો આ રંગીલા રાજકોટને શું થયું

• હોસ્પિટલોમાં બેડ ફુલ થવાની તૈયારી
• કુલ 3044 બેડમાંથી 186 બેડ જ ખાલી
• સિવિલમાં 808 બેડમાંથી માત્ર 51 બેડ ખાલી

કોરનાની મહામારીએ રાજકોટના હાલ પણ બેહાલ કર્યા છે. છેલ્લા કેટલાક દિવસોથી રાજકોટનાં કોરોનાના કેસમાં જબરજસ્ત વધારો જોવા મળી રહ્યો છે એટલું જ નહીં પરંતુ સાવ 3 દિવસનું બાળક કોરોના ગ્રસ્ત આવતા સ્થિતિ કાબૂ બહાર હોવાનો અહેસાસ થઈ રહ્યો છે ત્યારે વળી એક માઠા સમાચાર સામે આવ્યા છે કે, હોસ્પિટલો ફૂલ થઈ રહી છે. 

રાજકોટમાં કુલ 3044 બેડમાંથી 186 બેડ જ ખાલી છે. 

• રાજકોટ સિવિલમાં 808 બેડમાંથી માત્ર 51 બેડ ખાલી 
• સમરસમાં 516 બેડમાંથી 44 બેડ જ ખાલી
• ESISમાં 41 બેડમાંથી 41 બેડ ખાલી
• ગોંડલ હોસ્પિટલમાં 82 બેડમાંથી 7 બેડ ખાલી
• જસદણ હોસ્પિટલમાં 27 બેડમાંથી 3 બેડ ખાલી
• ધોરાજી હોસ્પિટલમાં 70 બેડમાંથી 1 બેડ જ ખાલી
• કેન્સર હોસ્પિટલમાં 197 બેડમાંથી 31 બેડ ખાલી
• ખાનગી હોસ્પિટલમાં 1303 બેડમાંથી માત્ર 8 બેડ ખાલી

રાજકોટમાં કોરોના વાયરસનું વધ્યું સંક્રમણ
રાજકોટ સિવિલમાં એમ્બ્યુલન્સની લાઇનો લાગી છે. 108 અને ખાનગી એમ્બ્યુલન્સની લાંબી લાઈનો લગાવવામાં આવી છે. કોરોના દર્દીઓ માટે 2થી 3 કલાકનું વેઇટિંગ છે. 108ના તબીબે VTV સાથેની વાતચીતમાં  પરિસ્થિતિ વર્ણવી છે. 15 જેટલી એમ્બ્યુલન્સ તો હોસ્પિટલ બહાર ઉભી છે

સુરેન્દ્રનગરમાં કોવિડ હોસ્પિટલની સ્થિતિ ચિંતાજનક

સબ સલામતના દાવાઓ વચ્ચે ચિંતાજનક દ્રશ્યો સામે આવ્યા છે. સરકારી કોવિડ હોસ્પિટલમાં બેડ હાઉસ ફુલ થઈ ગયા છે. કોરોનાના દર્દીઓને હોલમાં સારવાર અપાઈ રહી છે. દર્દીઓને આરોગ્ય લક્ષી સુવિધાઓ ન મળતા રોષ જોવા મળી રહ્યો છે.