Coronavirus / અમદાવાદમાં કાલુપુર ક્વોરન્ટાઈન વિસ્તારમાં હોબાળો, આરોગ્ય ટીમ સાથે ગેરવર્તણૂંક

• અમદાવાદ કાલુપુરના બલોચા વાડમાં ક્લસ્ટર ક્વોરોન્ટાઈનને લઈ વિરોધ
• AMCની આરોગ્ય વિભાગની ટીમ સાથે કરાયુ બિભત્સ વર્તનનો આરોપ
• ક્વોરોન્ટાઈનને પગલે સ્થાનિકોને જરૂરી વસ્તૂની અગવડતાનો આક્ષેપ

અમદાવાદમાં AMC દ્વારા કાલુપુર વિસ્તારમાં કલસ્ટર ક્વોરોન્ટાઈન કરવાની કાર્યવાહી હાથ ધરવામાં આવી હતી..ત્યારે કાલુપુરના બલોચવાડમાં સ્થાનિક મહિલાઓએ ક્લસ્ટર ક્વોરોન્ટાઈનને લઈ વિરોધ કર્યો હતો.

કોરોનાના સેમ્પલ ટેસ્ટના લેવા માટે ગયેલી ટીમ સાથે ગેરવર્તન

AMCની આરોગ્ય વિભાગની ટીમ મેડિકલ તપાસ માટે આ વિસ્તારમાં પહોંચી હતી.જે  દરમિયાન સ્થાનિક મહિલાઓએ આરોગ્ય વિભાગની ટીમ સાથે ગેરવર્તન કર્યું હતું. સ્થાનિક મહિલાઓએ ક્વોરોન્ટાઈનને પગલે સ્થાનિકોને જરૂરી વસ્તુઓની અગવડ પડતી હોવાનો આક્ષેપ કર્યો હતો.

સ્થાનિક મહિલાઓએ રોડ પર હોબાળો કરતા પોલીસ-RAF તૈનાત

જો કે સ્થાનિક મહિલાઓએ રોડ પર હોબાળો કરતા દરિયાપુર પોલીસ, ACP, DCP અને RAFનો કાફલો ઘટનાસ્થળે પહોંચ્યો હતો અને આગળની કાર્યવાહી હાથ ધરી હતી. 

ધારાસભ્ય ગ્યાસુદ્દીન સહિતના મુસ્લિમ અગ્રણીઓ પોલીસસ્ટેશન પહોચ્યા

તો બીજી તરફ આ સમગ્ર ઘટનાને પગલે ધારાસભ્ય ગ્યાસુદ્દીન સહિતના મુસ્લિમ અગ્રણીઓ દરિયાપુર પોલીસસ્ટેશન પહોંચ્યા હતા. અને પરિસ્થિતિની સંપૂર્ણ માહિતી મેળવીને પોલીસ અને મેડિકલ ટીમને સાથ અને સહકાર આપવાની બાંહેધરી આપી હતી.