ગુજરાતમાં કોરોના વાયરસને કારણે લોકડાઉન અને હવે લોકડાઉનમાં કેટલીક છૂટછાટ મળી છે પરંતુ કોરોના સામે લડવાનું પહેલુ હથિયાર માસ્ક હવે ઈનોવેટીવ બન્યુ છે સુરતમાં એક યુવાન ફોટોગ્રાફરે 3D માસ્ક બનાવ્યા છે જે ખુબ જ લોકપ્રિય બની રહ્યા છે. ગાંધીનગર અને સુરતમાં 3D માસ્ક ધૂમ મચાવી રહ્યા છે.
ફોટોગ્રાફર યુવાને બનાવ્યા થ્રીડી માસ્ક
વ્યક્તિના ચહેરાનો ફોટો માસ્ક પર પ્રિન્ટ કરી બનાવ્યા માસ્ક
વ્યક્તિના ચહેરાને ઓળખી શકાય તેવા માસ્ક બનાવ્યા
સુરતના ફોટોગ્રાફર યુવાને થ્રીડી માસ્ક બનાવ્યા છે. વ્યક્તિના ચહેરાનો ફોટો માસ્ક પર પ્રિન્ટ કરી માસ્ક બનાવ્યા છે. માસ્કમાં ચહેરો ઢંકાઈ ત્યારે વ્યક્તીની ઓળખ કરવી મુશ્કેલ બને છે. ત્યારે વ્યક્તિના ચહેરાને ઓળખી શકાય તેવા માસ્ક બનાવાયા છે. કોટન કાપડ પ્રિન્ટ કરી માસ્ક બનાવવામાં આવે છે. આ માસ્ક યુવાનો અને યુવતીઓમાં ખૂબ જ લોકપ્રિય બની રહ્યાં છે
ગાંધીનગરમાં પણ બનાવાયા 3D માસ્ક
કોરોનાકાળમાં હવે માસ્ક લોકોના જીવનનો એક મહત્ત્વપૂર્ણ ભાગ બની ગયું છે. ત્યારે ગાંધીનગરમાં એક સ્ટુડિયો દ્વારા 3D માસ્ક તૈયાર કરવામાં આવ્યું છે. આ માસ્કની ખાસિયત એ છે કે આ માસ્કથી લોકોની ઓળખ નહીં છૂપાય. એટલે કે માસ્ક પહેર્યા બાદ પણ સામેની વ્યક્તિ તમને તુરંત ઓળખી શકશે. આ 3D માસ્કને તમે 50 રૂપિયામાં તૈયાર કરાવી શકો છો. સ્ટુડિયોમાં પહેલા વ્યક્તિનો ફોટો પાડી તેને સ્કેન કરી અને માસ્ક પર તેને ફિટ કરવામાં આવે છે.
કોરોનાની મહામારી માં જ્યારે બધું જ ઠપ્પ થઈ ને સોસીયલ ડિસ્ટનસિંગ, ગ્લોઝ, સેનેટાઈઝર અને માસ્કમાં સમેટાઈ ગયું છે ત્યારે ગાંધીનગરના એક ફોટોગ્રાફરે માસ્કને નવું રૂપ આપી લોકોની છુપાતી ઓળખ એવી ને એવી જ રહે તેવી શોધ કરી છે. છેલ્લા 40 વર્ષથી ફોટોગ્રાફી સાથે સંકળાયેલા બીલ્લુ ભાઈ લોકડાઉનમાં ધંધા બંધ રહેતા શુ કરવું તે વિચારતા હતા. ત્યાં વડાપ્રધાનના લોકડાઉન 4ના સંબોધન માં આત્મનિર્ભર બનવાની વાતને જીવનમાં ઉતારી કઈક નવું કરવાની પ્રેરણા લઈ ફેસ માસ્ક બનાવવા ની શરૂઆત કરી. માસ્ક ની ખાસિયત એ છે કે તમારી ઓળખ જે સાદા માસ્કમાં છુપાઈ જતી હતી, એ હવે નહીં છુપાય, અને માસ્ક ઉતર્યા વિના સામેની વ્યક્તિ તમને ઓળખી શકશે,અને તમારી ઓળખ જળવાઈ રહેશે.
સૌ પ્રથમ વ્યક્તિનો ફોટો પાડીને કોમ્પ્યુટરમાં એડિટ કરી, સબ્લિમેશન પ્રિન્ટિંગ મશીનમાં કાગળ પર પ્રિંટ લઈ ને 250 ડીગ્રી ગરમીમાં હિટ આપી ડ્રાયફિટ માટીરીયલ્સમાં અંદરકોટન કાપડના માસ્ક પર પ્રિન્ટ કરવામાં આવે છે.એટલે કે ટુ લેયર માસ્ક તમારા ફેસને અનુરૂપ માસ્ક તૈયાર થઈ જાય છે.