પાન-મસાલા અને બીડીની દુકાનો બહાર લોકો ગુટખા લેવા રીતસર પડાપડી કરી રહ્યા છે. સૌરાષ્ટ્ર સહિત આખા ગુજરાતમાં કોરોનાએ ભરડો લીધો છે ત્યારે લોકડાઉન 4માં છૂટછાટ આપવામાં આવી છે એવામાં લોકોએ સોશિયલ ડિસ્ટન્સિંગથી લઈ તમામ બાબતોને નેવે મૂકીને તમાકુની તલબ બુઝાવવા પડાપડી કરી હતી.
પાન-બીડીની હોલસેલની દુકાન બહાર મોટી લાઇન
દુકાન બહાર વહેલી સવારથી લાગી લાંબી કતારો
વેપારીઓ પાન-બીડીનો જથ્થો ખરીદવા ઉમટ્યા
અમદાવાદ, સુરત, રાજકોટ, વડોદરા સહિત રાજ્યભરમાં પાન-મસાલાના તલબગારોએ બીડી-તમાકુ માટે ભીડ ભેગી કરી છે. આ દુકાનોમાં લાંબી લાંબી લાઈનો લાગી છે અને ટોળા પણ વળ્યા છે.
લોકડાઉન 4માં જૂનાગઢમાં સરકાર દ્વારા છૂટછાટ આપવામાં આવી છે. સરકાર દ્વારા છૂટછાટ આપવામાં આવતા ચોકસી બજારમાં લોકોએ લાઈન લગાવી છે.પાન મસાલા લેવા માટે સવારથી જ લોકોએ લાઈન લગાવી હતી. પાન મસાલા લેવા માટે માસ્ક પહેર્યા વગર જ લોકો લાઈનમાં લાગ્યા હતા. આ દરમિયાન લોકોમાં સોશિયલ ડિસ્ટન્સનો અભાવ પણ જોવા મળ્યો હતો.
લોકડાઉન બાદ 56માં દિવસે આજે સરકાર દ્વારા દુકાનો ખોલવાની પરવાનગી આપવામાં આવી છે. ત્યારે આજે રાજકોટમાં બીડી લેવા માટે મહિલાઓએ લાઈન લગાવી. શહેરના પરાબજારમાં મહિલાઓ બીડી લેવા માટે ઉમટી હતી.
જામનગર, જેતપુર સહિતના શહેરો અને ગામડાઓમાં લોકોએ પાન-મસાલાની દુકાનો ખુલતા લાંબી લાંબી લાઈનો લગાવી છે. બોટાદમાં તો મહિલાએ રીતસર તમાકુ માટે લાઈનો લગાવી હતી.