ગુજરાતમાં ફ્રન્ટ વોરિયર્સ નર્સિંગ સ્ટાફ કોરોનાગ્રસ્ત થઈ રહ્યો છે એટલું જ નહીં તેમને ક્વોરન્ટાઈન કરવા માટે કોઈ જ વ્યવસ્થા નથી વળી તેમને પુરતા સાધનો પણ ન અપાતા હોવાના પ્રશ્નો ઉઠી રહ્યા છે. રહેણાંકમાં પણ નર્સિંગ સ્ટાફની કનડગત થતી હોવાની ફરિયાદોને પગલે આજે ઓલ ગુજરાત નર્સિંગ યુનિયન દ્વારા સરકારનું ધ્યાન દોરવા માટે વીડિયો બનાવ્યો છે.
ઓલ ગુજરાત નર્સિંગ યુનિયને ઉઠાવ્યા સરકાર પર સવાલો
સ્ટાફને નથી આપવામાં આવતા સલામતી ના સાધનો
હોસ્પિટલમાં નર્સિંગ સ્ટાફને નથી કોઈ જમવાની વ્યવસ્થા
આ પહેલા જ LG અને સિવિલ હોસ્પિટલનો નર્સિંગ સ્ટાફ આ વિશેના વીડિયો બનાવી ચુક્યા છે. ત્યારે નર્સિંગ સ્ટાફની સમસ્યાને વાચા આપતો વીડિયો યુનિયનના ચેરમેન વિપુલ સિંહ ચાવડા દ્વારા બનાવવામાં આવ્યો છે. આ વીડિયોમાં મુખ્યમંત્રી સહિતાના લોકોના નામનો ઉલ્લેખ કરીને નર્સિંગ સ્ટાફને પડી રહેલી મુશ્કેલીઓનું સમાધાન કરવાનું કહેવામાં આવ્યું છે.
શું કહ્યું વિપુલ સિંહ ચાવડાએ?
વિપુલસિંહે ચાવડએ સરકાર પર સવાલો ઉઠાવ્યા છે. સ્ટાફને નથી આપવામાં આવતા સલામતી ના સાધનો તે અંગે પ્રશ્ને ઉઠાવ્યો છે. હોસ્પિટલમાં નર્સિંગ સ્ટાફને નથી કોઈ જમવાની વ્યવસ્થા પણ નથી. કોરોનામાં ફરજ બજાવતા નર્સિંગ સ્ટાફને રહેવાની સુવિધા આપવા માંગ કરી હતી. સ્ટાફ ઘરે જાય જેથી તેમના પરિવારને ચેપ લાગવાનો જોખમ છે. કરાર પર ભર્તી ન કરી કાયમી ભરતી કરવાની માંગ કરવામાં આવી છે.
શું શું વ્યવસ્થા નથી?
રહેવાની વ્યવસ્થા નથી. તેમને ક્વોરન્ટાઈન કરવા માટે કોઈ વ્યવસ્થા નથી. જમવા રહેવા માટે તેમને મદદરૂપ થવું જરૂરી. સ્ટાફ નર્સ સહિતના લોકોને કોરોના એટલે થાય છે કારણ કે તેમની પાસે PPE કિટ નથી. સરકાર કોન્ટ્રક્ટ ઉપર રાખલે નર્સિંગ સ્ટાપ રૂા. 13000માં કામ કરી રહ્યા છે. આવી કટોકટીમાં આવું કામ કરનારા લોકોને બિરદાવાને બદલે તંત્ર તેમને મદદ પણ નથી કરી રહ્યુ જે યોગ્ય નથી.
ખાનગી હોસ્પિટલોને વોર્નિંગ
ખાનગી હોસ્પિટલો નર્સિંગ કર્મચારીઓને લીવ વીધાઉટ પે પર નોકરી પરથી છુટા કરવામાં આવી રહ્યા છે. ખાનગી હોસ્પિટલોને પણ સૂચનાઓ આપવામાં આવે તો સારૂં. જો આ રીતે ખાનગી હોસ્પિટલ આવું કરશે તો ભવિષ્યમાં તેમની હોસ્પિટલમાં કોઈ નર્સિંગ સ્ટાફ ત્યાં કામ નહીં કરે. ઘર સોસાયટીમાં રહીશોને વિનંતી કે નર્સિંગ સ્ટાફનો વિરોધ કરશે તો સરકાર તેમના વિરૂદ્ધ પણ કડક પગલા લે તો સારૂ.