મદદ / કોરોના સંકટમાં ભાજપ એક લાખ, કોંગ્રેસ 10 લાખ તો આ ધારાસભ્યે આપી જીવનભરની મૂડી

• ધારાસભ્ય જિગ્નેશ મેવાણીએ ગ્રાન્ટ કોરોનામાં ફાળવી
• 1.5 કરોડ રુપિયાની ગ્રાન્ટ કોરોના પાછળ ફાળવી 
• બનાસકાંઠાના પોલીસ સ્ટાફ માટે મકાનની ઓફર કરી

ભાજપના ધારાસભ્યોએ આપી માત્ર 1-1 લાખની સહાય

ભાજપના ધારાસભ્યોએ માત્ર 1-1 લાખની જ સહાયની જાહેરાત કરી છે. જીતુ વાઘાણી સહિતના નેતાઓએ સહાય અંગેની જાહેરાત કરી હતી અને આ સહાય પણ તેમને મળતા પગારમાંથી કરવાના હતા તેની સામે કોંગ્રેસે દિલ ખોલીને કોરોના માટે 10-10 લાખની સહાય કરવાની ઘોષણા કરી હતી.

પરંતુ આ તમાને સાઈડમાં રાખીને અપક્ષના ધારાસભ્ય જીગ્નેશ મેવાણીએ તો પોતાની તમામ મિલકત કોરોનાથી બચવા માટે વાપરી દેવા કટીબદ્ધતા બતાવી છે અને રૂા. 1.5 કરોડની ગ્રાન્ટ ફાળવી છે.

ગ્રામસેવકો પણ આપી રહ્યા છે દાન 

દેશભરમાં કોરોના વાયરસનો કહેર યથાવત જોવા મળી રહ્યો છે. ત્યારે સાબરકાંઠાથી ગુજરાત ગ્રામ સેવક મંડળે CM રાહત ફંડમાં એક દિવસનો પગાર આપ્યો છે. રાજયના 21 ગ્રામસેવકોએ કુલ 2 લાખની સહાય કરી છે.

કોરોના મહામારીને પગલે મુખ્યમંત્રી રાહત ફંડમાં દાન આપવા શિક્ષકોની પહેલ 

ઠાસરા તાલુકાના 925થી વધુ શિક્ષકો એક દિવસનો પગાર આપશે. 15 લાખથી વધુની રકમનો પગાર શિક્ષકો તરફથી દાન. ઠાસરા તાલુકા પ્રાથમિક શિક્ષક સંઘ દ્વારા લેટર લખીને દાન અપાયુ છે.