મહેસાણા / LOCKDOWN છે તો શું થયું, તમાકું- ગુટખા તો જોઈએ ને? જીવ જાય તો ભલે જાય વ્યસન નહીં છુટે

• પ્રતિબંધ વચ્ચે પાન-મસાલા-ગુટખાનું ખુલ્લેઆમ વેચાણ
• 5 રૂપિયાની ગુટખાના વેપારીઓ વસુલી રહ્યાં છે રૂ.9થી 10
• જાગૃત નાગરિકે વીડિયો બનાવી કર્યો વાયરલ

લોકડાઉનના પગલે મહેસાણા જિલ્લામાં તમામ પાનની દુકાનો બંધ છે ત્યારે તમાકુ, પાન-બીડી અને ગુટખાના ધંધાર્થીઓએ વ્યસનીઓ પાસેથી ઉઘાડી લૂંટ શરૂ કરી દીધી છે.

ફાકી, ગુટખા, સિગારેટ, પાન-બીડીના ભાવ બમણાથી અઢી ગણા કરી દીધા છે. આ ઉઘાડી લૂંટ માત્ર પાનના ધંધાર્થીઓએ જ નહીં પરંતુ પાન-મસાલાના હોલસેલરોએ પણ શરૂ કરી દીધી છે.

રાજ્યમાં પ્રતિબંધ હોવા છતાં ખુલ્લેઆમ સોપારી, તમાકુ, સિગારેટ, બીડી અને ગુટખાનું વેચાણ થઇ રહ્યું છે ત્યારે મહેસાણા જિલ્લામાં કરિયાણાની આડમાં ગુટખાનું વેચાણ થઇ રહ્યું હોવાનું સામે આવ્યું છે. પ્રતિબંધ વચ્ચે પાન,મસાલા અને ગુટખાનું વેપારી ખુલ્લેઆમ વેચાણ કરી રહ્યો છે. એટલું જ નહીં 5 રૂપિયાની ગુટખાના વેપારી 9થી 10 રૂપિયા વસુલી રહ્યો છે. આ સમગ્ર ઘટનાનો વીડિયો વાયરલ થયો છે.