મુશ્કેલી / સરકારનું ઓરમાયું વર્તન કેમ? મહામારીમાં રાત-દિવસ કામ કરનારા MBBS વિદ્યાર્થીઓને ફી ભરવાની ડેડલાઈન અપાઈ

• આરોગ્ય મંત્રીને ફી માફી માટે મળ્યા પછી પણ કોઈ ફી મામલાનો કોઈ નિવેડો નહી
• 10મી સપ્ટેમ્બર ફી ભરવાની છેલ્લી તારીખ સરકારે નક્કી કરી છે
•  MBBSના વિદ્યાર્થીઓની કોરોના ડ્યૂટીની સરકારે કિંમત ન કર્યાનો વિદ્યાર્થીઓનો મત

સરકારી સેલ્ફ ફાઈનાન્સ કોલેજોના તબીબી વિદ્યાર્થીઓ પાસેથી સરકાર ફી કેમ માગે છે ?  ત્રીજા અને ચોથા વર્ષના MBBSના વિદ્યાર્થીઓ કોવિડ દર્દીઓની ડ્યૂટી કરે છે. એક તરફ કોરોના વોરિયર્સની ફરજ બજાવતા વિદ્યાર્થીઓ અને સરકાર ફી માગી રહી છે. 10મી ઓગસ્ટે 3 લાખની ફી ભરવાની નોટિસ આપતા વિદ્યાર્થીઓ અને વાલીઓની ચિંતા વધી છે.

આરોગ્ય મંત્રીને ફી માફી માટે મળ્યા પછી પણ કોઈ ફી મામલાનો કોઈ નિવેડો નહી

આરોગ્ય મંત્રીને ફી માફી માટે મળ્યા પછી પણ કોઈ ફી અંગે કોઈ નિવેડો આવ્યો નથી. 10મી સપ્ટેમ્બર ફી ભરવાની છેલ્લી તારીખ સરકારે નક્કી કરી છે. MBBSના વિદ્યાર્થીઓની કોરોના ડ્યૂટીની સરકારે કિંમત ન કર્યાનો વિદ્યાર્થીઓનો મત વ્યક્ત કર્યો છે.

10મી સપ્ટેમ્બર છે ફી ભરવાની આખરી તારીખ

10મી સપ્ટેમ્બર સુધી વિદ્યાર્થીઓએ ફી ભરી દેવાની છે એટલું જ નહીં પરંતુ જો નક્કી કરેલી તારીખે ફી નહીં ભરવામાં આવે તો લેટ ફી વસૂલવામાં આવશે. આ અંગે વિદ્યાર્થીઓમાં અસંતોષ જોવા મળી રહ્યો છે. ત્યારે વિદ્યાર્થીઓ મુદ્દે આંદોલનના મૂડમાં હોવાનું જાણવા મળ્યું હતુ. જો કે સરકાર તરફથી વિદ્યાર્થીઓને કોઈ હૈયા ધારણ મળી નથી.