હૂકમથી / હવે માસ્ક વગર બહાર ન નીકળતા નહીં તો થશે રૂા. 500નો દંડ, અહીં મળશે માત્ર 2 રૂા.માં માસ્ક

• માસ્ક ન પહેરનાર-જાહેરમાં થૂંકતા લોકો સાવધાન
• રાજ્યમાં 1 ઓગસ્ટથી રૂ.500નો દંડ થશે 
• સમગ્ર રાજ્યમાં એક સમાન દંડ વસૂલાશે

રાજ્યમાં હવે માસ્ક ન પહેરનાર-જાહેરમાં થૂંકતા લોકો સામે વધુ કડક કાર્યવાહી કરવામાં આવશે. રાજ્યમાં 1 ઓગસ્ટથી માસ્ક ન પહેરનારા અને જાહેરમાં થૂંકતા લોકોને 500 રૂપિયાનો દંડ થશે. હવે સમગ્ર રાજ્યમાં એક સમાન દંડ વસૂલવામાં આવશે. સાથે જ અમુલ પાર્લર પર પણ 2 રૂપિયામં સાદા માસ્ક મળશે. હાઇકોર્ટની ટકોર બાદ રાજ્ય સરકારે આ નિર્ણય કર્યો છે.

અમદાવાદમાં કોરોનાના કહેર છતા લોકો હજુ પણ બેદરકાર છે. અમદાવાદમાં રાશનકાર્ડની દુકાનમાં લોકોની ભારે ભીડ જોવા મળી છે. અને સોશિયલ ડિસ્ટન્સનો પણ અભાવ છે. લોકોએ માસ્ક પણ નથી પહેર્યા. આ દ્રશ્યો પરિમલ ગાર્ડન પાસેની સસ્તા અનાજની દુકાનના છે. જ્યાં લોકો નિયમોનું ઉલ્લંઘન કરી રહ્યાં છે. અને દુકાનદાર પણ નિયમોનું પાલન નથી કરી રહ્યાં.

રાજ્યમાં કોરોનાની કપરી સ્થિતિ

રાજ્યમાં કોરોનાની રફ્તાર દિવસેને દિવસે વધી રહી છે. રાજ્યમાં સતત 1 હજારથી વધુ કેસ નોંધાઈ રહ્યા છે. રાજ્યમાં એક જ દિવસમાં નવા 1052 કોરોના પોઝિટિવ કેસ નોંધાયા. તો એક જ દિવસમાં રાજ્યમાં કોરોનાથી 22 લોકોના મૃત્યુ થયા. જ્યારે કોરોનાને મ્હાત આપીને એક દિવસની અંદર 1015 દર્દીઓ સાજા થયા.

રાજ્યમાં પોઝિટિવ કેસની સંખ્યા 56 હજાર 874 થઇ

નવા 1052 પોઝિટિવ કેસ સાથે રાજ્યમાં પોઝિટિવ કેસની સંખ્યા 56 હજાર 874 થઇ છે. રાજ્યમાં હાલ 13 હજાર 146 એક્ટિવ કેસ છે. જેમાંથી 81 દર્દી વૅન્ટિલેટર પર છે અને 13 હજાર 65 દર્દીની હાલત સ્થિર છે. અત્યાર સુધીમાં કુલ 41 હજાર 380 લોકો સાજા થયા છે. કોરોનાથી રાજ્યમાં કુલ 2 હજાર 348 લોકોના મૃત્યુ થયા છે. બીજી તરફ ગુજરાતમાં એક દિવસની અંદર 25 હજાર 474 ટેસ્ટ કરવામાં આવ્યા છે. આ સાથે અત્યાર સુધીમાં રાજ્યમાં 6 લાખ 67 હજાર 844 ટેસ્ટ થયા છે.