હુકમથી / આજથી માસ્ક નહીં પહેરો તો 500 નહીં પણ રૂા. 1000 ચુકવવો પડશે દંડ : CM રૂપાણી

• આજથી માસ્ક ન પહેરવા પર દંડની રકમમાં વધારો
• માસ્ક નહીં પહેર્યુ હોય તો 1 હજાર રૂપિયા દંડ ચૂકવવો પડશે
• ગુજરાત હાઇકોર્ટે કરી હતી સરકારને ટકોર

રાજ્યમાં હવે માસ્ક ન પહેરવા પર 1 હજારનો દંડ કરાશે. સીએમ રૂપાણીએ આ અંગે મોટી જાહેરાત કરતા કહ્યું કે આજથી માસ્કની દંડની કિંમતમાં વધારો કરાશે. ગુજરાત હાઇકોર્ટમાં કોરોનાના કેર બાદ થયેલી સુઓમોટો અરજીની સુનાવણીમાં હાઇકોર્ટે સરકારને કેટલાક મહત્વના નિર્દેશો કર્યા હતા. 

ગુજરાત હાઇકોર્ટે કરી હતી સરકારને ટકોર

 માસ્ક નહીં પહેરનાર પાસેથી 1 હજાર રૂપિયાનો દંડ વસૂલવાની હાઈકોર્ટે સરકારને ટકોર કરી હતી. જેને લઇને મુખ્યમંત્રી વિજય રૂપાણી એ જણાવ્યું છે કે રાજ્યની હાઈકોર્ટે આપેલા ચુકાદાનો રાજ્યમાં આજથી અમલ કરવામાં આવશે. રૂપાણી એ જાહેર કર્યું છે કે રાજ્યમાં આજથી જાહેરમાં માસ્ક ન પહેરનારા વ્યક્તિઓને 1 હજાર રૂપિયાનો દંડ કરવામાં આવશે. 

મહત્વનું છે કે, 24 જુલાઇએ ગુજરાત હાઇકોર્ટમાં કોરોનાના કેર બાદ થયેલી સુઓમોટો અરજીની સુનાવણીમાં હાઇકોર્ટે સરકારને કેટલાક મહત્વના નિર્દેશો કર્યા હતા. અને કહ્યું હતું કે લોકો બેદરકારીના કારણે માસ્ક પહેર્યા વગર અને સોશ્યલ ડિસ્ટન્સ જાળવ્યા વગર ફરી રહ્યા છે. માસ્ક નહીં પહેરનાર પાસેથી 1 હજારનો દંડ વસૂલવા હાઇકોર્ટે સરકારને ટકોર કરી હતી. લોકોની નારાજગીની ચિંતા કરવાની જરૂર નથી. લોકહિતમાં કડક નિર્ણયો લેવા જોઇએ. .