LOCKDOWN / શાળા-કોલેજોનું ભવિષ્ય અદ્ધર! શાળાઓ વાલીઓ પાસેથી ફી માંગે છે અને સંચાલકો સરકાર પાસેથી સહાય

• શાળા સંચાલક મંડળની સરકારને ગ્રાન્ટ આપવા રજૂઆત 
• લોકડાઉનમાં ખાનગી સ્કૂલ દ્વારા ફી વસુલવાનો મામલો
• મોદી સ્કૂલ દ્વારા વાલીઓને ફોન કરી ફી ભરવા કર્યું હતું પ્રેસર

રાજકોટમાં લોકડાઉનમાં ખાનગી સ્કૂલ દ્વારા ફી વસુલવાનો મામલો
 
લોકડાઉનમાં પણ ખાનગી સ્કૂલ દ્વારા ફી વસૂલવાને લઇ વિરોધ કરવમાં આવી રહ્યો છે. રાજકોટની મોદી સ્કૂલ દ્વારા વાલીઓને ફોન કરી અને ફી ભરવા દબાણ કરવામાં આવી રહ્યું હતું. ડીઇઓ દ્વારા મોદી સ્કૂલ સામે પગલા ન લેવાતા NSUI મેદાનમાં આવ્યું અને વિરોધ વ્યક્ત કર્યો. ત્યારે વિરોધ કરી રહેલા NSUIના કાર્યકર્તાઓની પોલીસે અટકાયત કરી હતી.

શાળા સંચાલક મંડળની સરકારને ગ્રાન્ટ આપવા રજૂઆત 

શાળા સંચાલક મંડળની સરકારને ગ્રાન્ટ આપવા રજૂઆત કરાઇ છે. શાળા સંચાલક મંડળે શિક્ષણ વિભાગના નિયામકને જુનના પ્રથમ સપ્તાહમાં ગ્રાન્ટ ઇન એઇડ સ્કૂલોને ગ્રાન્ટ આપવા રજૂઆત કરાઇ છે. શાળા સંચાલક મંડળે રજૂઆત કરી છે કે કોરોનાથી સ્કૂલો તો બંધ છે. પરંતુ સ્કૂલના ખર્ચા ચાલુ છે. અને અનેક અનેક વાલીઓએ ફી ન ભરતા સ્કૂલ સંચાલકોની સ્થિતી કફોડી થઇ ગઇ છે. આ ઉપરાંત મનપાનું ટેક્સ-લાઇટ બિલ અને શિક્ષકોના પગાર સહિતના ખર્ચાઓ ચાલું છે. ત્યારે સરકાર દ્વારા સ્કુલોને 4 હપ્તામાં ગ્રાન્ટ ચૂકવવાની માગ કરાઇ છે. ચાલુ વર્ષનો પ્રથમ હપ્તો એપ્રિલના ચૂકવવાનો હોય છે પરંતુ હજુ સુધી સરકાર દ્વારા ગ્રાન્ટ નથી ચૂકવવામાં આવી.

15 જુલાઇથી શાળા શરૂ થાય તે મુજબનો નિર્ણય લેવાઇ શકે 

આગામી સમયમા શાળાઓ ચાલુ થાય તેને લઇ સંચાલક મંડળની બેઠક યોજાશે. જેમાં 15 જુલાઇથી શાળા શરૂ થાય તે મુજબનો નિર્ણય લેવાઇ શકે છે. HRD મંત્રાલય ટુંક સમયમાં આ મામલે ગાઇડલાઇન બહાર પાડી શકે છે. અને શાળા ચાલુ કરતા પહેલા અનેક નવી સુવિધા ઉભી કરવી પડશે. શાળાઓમાં સેનેટાઇઝેશન, ટોઇલેટ, અને પીવાના પાણીની સુવિધા વધારવી પડશે.