Coronavirus / લૉકડાઉનના માહોલમાં અમદાવાદમાં પોલીસે એવું કર્યુ કે તાત્કાલિક કરાયા સસ્પેન્ડ, જુઓ વીડિયો

• VTVના અહેવાલ બાદ પોલીસ કમિશનરે આપ્યા આદેશ
• પોલીસ કમિશનરે જવાબદાર સામે કાર્યવાહી કરવાના આપ્યા આદેશ
• દાદાગીરી કરતા પોલીસકર્મીઓને સસ્પેન્ડ કરવાના આદેશ

અમદાવાદમાં પોલીસકર્મી દ્વારા એવી હરકત કરવામાં આવી છે જેનાથી પરેશાન પ્રજા ઓર પરેશાન થઈ ગઈ છે. 

શાકભાજીની લારીઓને પોલીસે ઊંધી પાડી દીધી

અમદાવાદના નિકોલમાં પોલીસની કાર્યવાહીનો વીડિયો જોઈને એમ થાય કે ખરેખર શું લોકડાઉન અને સતત કામના ભારણ વચ્ચે પોલીસકર્મી માનસીક તણાવમાં છે? કારણ કે આક્રોશ સાથે નિકોલમાં પોલીસે શાકભાજીની લારી ઉંધી પાડી દીધી હતી. શાકભાજી લેવા લોકોની ભીડ એકઠી થતા લારી ઉંધી પાડી દીધી હતી. 

VTVના અહેવાલ બાદ પોલીસ કમિશનરે આપ્યા આદેશ

શાકભાજીની લારી ઉંધી પાડી દીધાના VTVના અહેવાલ બાદ પોલીસ કમિશનરે જવાબદાર સામે કાર્યવાહી કરવાના આદેશ આપ્યા છે. દાદાગીરી કરતા પોલીસકર્મીઓને સસ્પેન્ડ કરવાના આદેશ અપાયા છે. 

એક તરફ કમાણી નથી અને આ વેડફાટ?

એક તરફ લોકો અઠવાડિયાથી ભૂખ્યા હોય તેવા કિસ્સા પણ સામે આવી રહ્યા છે ત્યારે પોલીસકર્મીઓનું આ કૃત્ય ક્યારેય ક્ષમ્ય નથી. પોલીસ કમિશનર દ્વારા પોલીસકર્મીઓને આર્થિક નુકસાન ભરપાઈ કરવાનો પણ આદેશ આપવામાં આવ્યા છે. પોલીસકર્મીઓએ ભીડ એકઠી થવાના બહાને લારી કરી હતી ઊંધી