રાજ્યમાં પોલીસ દ્વારા લોકડાઉન લાગૂ કરવામાં આવ્યા બાદ પણ લોકો રસ્તા પર જોવા મળી રહ્યા છે. લોકડાઉન અને 144ની કલમની કોઈ અસર જોવા મળતી નથી. તંત્રની સૂચનાઓનું નાગરિકો દ્વારા ખુલ્લેઆમ ભંગ કરવામાં આવી રહ્યો છે. ગુજરાતમાં કોરોનાના 33 પોઝિટિવ કેસ નોંધાયા છે અને એકનું મોત થઈ ચૂક્યુ છે તેમ છતાં લોકો વારે વારે ઘરની બહાર નીકળી રહ્યા છે. રોડ રસ્તા ઉપર પણ મોતના ખોફ વગર ફરી રહ્યા છે.
ગુજરાતમાં લોકડાઉન છતાં લોકો રસ્તા ઉપર
કોઈને ડર જ નથી, ભારતમાં કોરોનાથી મોતનો આંકડો 11 પર પહોંચ્યો
શું મોતનો પણ ડર નથી લોકમાં?
રાજ્યના પોલીસ વડાએ રાજ્યભરમાં 31 માર્ચ સુધી લોકડાઉન અને 144ની કલમ લાગૂ કરી છે. તેમ છતા ખેડામાં લોકો દ્વારા ખુલ્લેઆમ કાયદાનો ભંગ કરવામાં આવી રહ્યો છે. વહેલી સવારથી બજારોમાં લોકો ઉમટ્યા છે. સાથે જ ચા અને પાનના ગલ્લા પર લોકોની ભીડ ઉમટી છે.
રાજ્યના તમામ જિલ્લાઓમાં લોકડાઉન કરાયુ છે. જો કે અમદાવાદમાં લોકડાઉન છે છતા જમાલપુરમાં લોકો એકઠા થઇ રહ્યાં છે. જમાલપુર માર્કેટમાં શાકભાજીના વેપારીઓની હોડ યથાવત છે. માર્કેટમાં નાગરિકોની ભીડના પગલે પોલીસ એક્શનમાં આવી અને કાર્યવાહી કરી. ત્યારે આ દરમિયાન નાસભાગ પણ મચી હતી. ત્યારે લોકોને અપીલ છે કે લોકડાઉન સમયે લોકો ઘરમાં જ રહે અને કામ વિના બહાર ન નીકળે.
પોલીસનો પણ ડર નથી
લોકડાઉન હોવા છતા લોકો બહાર નિકળતા ભરૂચમાં પોલીસ કડક બનવી છે. શહેરમાં વિના કામે નિકળતા લોકો સામે પોલીસે કાર્યવાહી કરી છે. પોલીસે વિના કામે બહાર નિકળતા લોકોને અનોખી સજા આપી છે. બિનજરૂરી કામે બહાર નિકળતા લોકોને પોલીસે ઉઠક-બેઠક કરાવી છે.
પાલનપુર, મહેસાણામાં પણ લોકો રસ્તા ઉપર
રાજ્યમાં કોરોનાની દહેશતને લઇને લોકડાઉનને પગલે કડક અમલવારી શરૂ થઈ છે. જે પ્રકારે લોકો બિનજરૂરી ઘરની બહાર નીકળે જેને લઇને પાલનપુરમા પોલીસે પેટ્રોલિંગ સહિત પોલીસ ચેકિંગ હાથ ધરાયું છે. પાલનપુર પોલીસે એરોમાં સર્કલ, ગુરુનાનક, ગઠામણ ગેટ, આરટીઓ સહિતના વિસ્તારોમાં ચેકીંગ હાથ ધર્યું છે. ત્યારે જે લોકો નિયમનો ભંગ કરે છે તેમને 500 રૂપિયા દંડ પણ ફટકારવામાં આવી રહ્યો છે. બહાર થી આવતા લોકો માટે પણ પ્રવેશબંધી કરવામાં આવી છે.
સુરત, વડોદરામાં પણ ભંગ
રાજ્યભરમાં 31 માર્ચ સુધી લોકડાઉન જાહેર કરાયું છે. તેમ છતા સુરત અને ખેડામાં બજારો ધમધમી રહી છે. સુરતમાંવ સવારથી લોકો શાકભાજી લેવા માટે ઉમટ્યા હતા. તંત્ર દ્વારા લોકોને જીવન જરૂરિયા વસ્તુ લેવા માટે 12થી 4 સુધીમાં ખરીદી કરવાની અપીલ કરાઈ છે.. તંત્ર દ્વારા કરવામાં આવેલી અપીલની લોકો ખુલ્લેઆમ અનાદર કરી રહ્યા છે.
ખેડામાં પણ કોઈ અસર નહીં
બીજી તરફ ખેડામાં લોકડાઉનના કાયદાની ઐસી કી તૈસી જેવી સ્થિતિ જોવા મળી. લોકો ખુલ્લેઆમ કાયદોનો ભંગ કરતા જોવા મળ્યા. અને નડીયાદમાં પણ ટાઉન પોલીસ મથકની સામે જ કલમ 144નો ભંગ કરાયો છે. બજાર, ચા અને પાનના ગલ્લા પર લોકોની ભીડ જોવા મળી.