VIDEO / લોકડાઉન? એ કેવું હોય! આ જિલ્લાઓમાં ભીડના VTVના અહેવાલ બાદ તંત્ર થયું દોડતુ

• VTVGujarati ના અહેવાલ રજૂ કરાતા તંત્ર દોડતું થયું
• મહીસાગરમાં તંત્ર દ્વારા મળેલ છૂટનો દુરુપયોગ
• બનાસકાંઠામાં લોકો બેખોફ

 
સોશિયલ ડિસ્ટન્સિંગનું પાલન કરાવવામાં તંત્ર નિષ્ફળ સાબિત થયું છે. કેશોદની શાક માર્કેટમાં પણ લોકોની ભીડ ઉમટી હતી. વળી મહિસાગરમાં પણ બજારમાં લોકોના ટોળેટોળા ઉમટી પડ્યા હતા. બનાસકાંઠામાં તો કેસ હોવા છતાં લોકો ખુલ્લેઆમ લોકડાઉનના લીરેલીરા ઉડાડીને નીકળી પડ્યા હતા. આ અંગે VTV એ DYSP જે બી ગઢવીએ ફોનમાં કોઈ પણ જાતનો જવાબ આપ્યો  નહતો  તો વળી MLA દેવા માલમે પણ એવો ઉડાઉ જવાબ આપ્યો હતો કે આ મારૂ કામ નથી. આ તંત્રની જવાબદારી છે. 

VTVGujarati ના અહેવાલ રજૂ કરાતા તંત્ર દોડતું થયું

VTVએ અહેવાલ રજૂ કરાતા તંત્ર દોડતું થયું. પ્રાંત અધિકારી સહિતના અધિકારીઓએ બેઠક બોલાવી છે.  આ ઉપરાંત બનાસકાંઠામાં પણ આ પ્રકારના દ્રશ્યો જોવા મળ્યા હતા સામાન્ય દિવસોની જેમ લોકડાઉનમાં પણ આજે લોકો બહાર ફરવા નિકળ્યા હતા. દુકાનો ખોલવાની છૂટ મળતા લોકોએ ઘરથી બહાર નિકળવાનું ચાલુ કર્યું છે. લોકોમાં સોશિયલ ડિસ્ટન્સનો અભાવ જોવા મળ્યો. 

બનાસકાંઠામાં લોકો બેખોફ

બનાસકાંઠામાં લોકડાઉનનું ખુલ્લેઆમ ઉલ્લંઘન થઈ રહ્યું છે.  સામાન્ય દિવસોની જેમ લોકડાઉનમાં પણ આજે લોકો બહાર ફરવા નિકળ્યા હતા.  દુકાનો ખોલવાની છૂટ મળતા લોકોએ ઘરથી બહાર નિકળવાનું ચાલુ કર્યું છે. લોકોમાં સોશિયલ ડિસ્ટન્સનો અભાવ જોવા મળ્યો છે.  જિલ્લામાં 30 જેટલા પોઝિટિવ કેસ હોવા છતા તંત્ર દ્વારા ગંભીરતાથી કોઈ કાર્યવાહી કરવામાં આવતી નથી. 

મહીસાગરમાં તંત્ર દ્વારા મળેલ છૂટનો દુરુપયોગ

મહીસાગરમાં તંત્ર દ્વારા મળેલ છૂટનો દુરુપયોગ કરવામાં આવ્યો. લુણાવાડા બજારમાં આજે અનેક જગ્યાએ ટ્રાફિક જામના દ્રશ્યો સર્જાયા છે. અને પ્રતિબંધિત દુકાનો પણ ખુલ્લી જોવા મળી છે. લુણાવાડાના બજારમાં સોશિયલ ડિસ્ટન્સનો પણ અભાવ જોવા મળ્યો. ત્યારે લોકોને જાણે કોઇ ડર જ ન હોય તેવી રીતે બહાર ફરી રહ્યાં છે. ત્યારે શું આ રીતે આપણે કોરોનાને માત આપીશું. શું હજુ પણ લોકોને કોરોનાની ગંભીરતા નથી સમજાઇ. લોકો ક્યાં સુધી આટલા બેદરકાર રહેશે.

મહીસાગરના લુણાવાડામાં ફરી એક વખત સોશિયલ ડિસ્ટન્સનો આભાવ જોવા મળ્યો છે.  બાવાના અખાડા વિસ્તારમાં લોકો સોશિયલ ડિસ્ટન્સનું પાલન કરતા નથી. GNFCના ગોડાઉન પર સવારથી ખાતર માટે ખેડૂતોની લાંબી લાઈન લગાવી છે.  સોશિયલ ડિસ્ટન્સિંગનું પાલન કરાવવામાં તંત્ર નિષ્ફળ સાબિત થયું છે. મહત્વનું છે કે, લુણાવાડા તંત્ર દ્વારા સોશિયલ ડિસ્ટન્સનું પાલન કરાવવા માટે 6 વિજિલન્સ ટીમ બનાવાઈ છે. વિજિલન્સની ટીમ બનાવ્યા બાદ પણ સોશિયલ ડિસ્ટન્સનો અભાવ જોવા મળ્યો છે.