એનાલીસીસ / લોકડાઉનના લેખા જોખા, 1.0થી 4.0 સુધીમાં ગુજરાતમાં કેટલા થયા મોત કેટલા કેસ આ રહ્યુ લિસ્ટ

• ગુજરાતમાં ચાર લોકડાઉન દરમિયાન કેસમાં વધઘટ 
• લોકડાઉન 4માં ઘટ્યા કેસ
• લોકડાઉન 3માં સૌથી વધુ સરેરાશ કેસ

ગુજરાતમાં કોરોનાના કેસ સતત વધી રહ્યા છે ત્યારે ધીરે ધીરે વધી રહેલા કેસ એકદમ જ વધી ગયા હતા. અત્યાર સુધીમાં 4 લોકડાઉન લાયક થયા છે. ત્યાં સુધીમાં લોકડાઉન 1, લોકડાઉન 2, લોકડાઉન 3 અને લોકડાઉન 4  પણ 31મી મે ના રોજ ખતમ થવાનું છે. ત્યારે ગુજરાતમાં આજની તારીખ સુધીના લોકડાઉન પ્રમાણે કેસ અને મરણની વિગતો જોઈએ તો ગુજરાતનો કોરોના ગ્રાફ આપણને સાફ નજર આવશે. 

રાજ્યમાં કોરોના વાયરસનો કહેર યથાવત છે. કોરોનાના કેસની સંખ્યા વધીને 15,572 થઇ ગઈ છે. સારવાર બાદ 8003 લોકો સાજા થયા છે. રાજ્યમાં 6599 એક્ટિવ કેસ છે. કોરોનાથી રાજ્યમાં  કુલ 960 લોકોના મૃત્યુ થયા છે. 

અમદાવાદમાં 11344, વડોદરામાં 947 કેસ, સુરતમાં 1465, રાજકોટમાં 104 પોઝિટિવ કેસ, ભાવનગરમાં 120, આણંદમાં 97 પોઝિટિવ કેસ, ગાંધીનગરમાં 241, પાટણમાં 76, ભરૂચમાં 37 કેસ, નર્મદામાં 18, બનાસકાંઠામાં 103, પંચમહાલમાં 81 કેસ, છોટાઉદેપુરમાં 24, અરવલ્લીમાં 102, મહેસાણામાં 105 કેસ, કચ્છમાં 75, બોટાદમાં 59, પોરબંદરમાં 8 કેસ, ગીરસોમનાથમાં 45, દાહોદમાં 36, ખેડામાં 64 કેસ, મહીસાગરમાં 113, સાબરકાંઠામાં 97, નવસારીમાં 23 કેસ, વલસાડમાં 34, ડાંગમાં 2, દ્વારકામાં 12 કેસ, તાપીમાં 6, જામનગરમાં 52, જૂનાગઢમાં 28 કેસ. મોરબીમાં 4, સુરેન્દ્રનગરમાં 32, અમરેલીમાં 8 કેસ પોઝિટિવ છે. 

લોકડાઉનઃ 1.0

• 15 માર્ચથી 14 એપ્રિલ (21 દિવસ)
• કેસઃ 616
• કેસની કુલ ટકાવારીઃ 4 ટકા
• મોતઃ 29
• દૈનિક સરેરાશ કેસઃ 29

 
 લોકડાઉન 2.0

• 14 એપ્રિલથી 3 મે (19 દિવસ)
• કેસઃ 4778
• કેસની કુલ ટકાવારીઃ 31 ટકા
• મોતઃ 262
• દૈનિક સરેરાશ કેસઃ 251

લોકડાઉન 3.0

• 4 મેથી 17 મે (14 દિવસ)
• કેસઃ 5952
• કેસની કુલ ટકાવારીઃ 39 ટકા
• મોતઃ 266
• દૈનિક સરેરાશ કેસઃ 425

 
લોકડાઉન  4.0

• 18 મેથી 27 મે (10 દિવસ)
• કેસઃ 3,825
• કેસની કુલ ટકાવારીઃ 25 ટકા
• મોતઃ 279
• દૈનિક સરેરાશ કેસઃ 382