ફફડાટ / દિવસ-રાત જોયા વગર આપણી સેવાં કરતાં અમદાવાદ 36 કોરોના વોરિયર્સને કોરોના પોઝિટિવ

•  મનપાના 14 કર્મી કોરોના પોઝિટિવ
• 4 પોલીસ કર્મી કોરોના પોઝિટવ
• LG, જીવરાજ, સોલા સિવિલના ડોક્ટર સહિત 19 પોઝિટિવ

રાજ્યમાં કોરોના વાયરસનો ખતરો સતત વધી રહ્યો છે. ત્યારે અમદાવાદ શહેરમાં પણ કોરોના વાયરસનો કહેર વધી રહ્યો છે. કોરોના દર્દીઓની સારવાર કરતા ડોક્ટરો પણ કોરોનાની ઝપેટમાં આવી ગયા છે. LG હોસ્પિટલમાં વધુ 5 લોકો કોરોના પોઝિટિવ આવ્યા છે. 4 ડોક્ટર અને 1 નર્સને કોરોના પોઝિટિવ આવ્યા છે.

LG હોસ્પિટલમાં કુલ 10 કોરોના પોઝિટિવ કેસ

ગઈકાલે પણ 1 પ્રોફેસર સહિત 5 લોકો પોઝિટિવ આવ્યા હતા. ત્યારે LG હોસ્પિટલમાં કુલ 10 કોરોના પોઝિટિવ કેસ નોંધાયા છે. 

ગઈ કાલે મનપા અધિકારી પણ પોઝિટિવ

ગઈ કાલે એક 3 સરકારી અધિકારી પણ કોરોનાની ઝપેટમાં આવી ગયા હતા જ્યારે કોંગ્રેસના ધારાસભ્ય અને કોર્પોરેટરો પણ કોરોનાનો શિકાર બની ચુક્યા છે. પોલીસકર્મી પણ કોરોના ગ્રસ્ત થઈ ચુક્યા છે. ત્યારે ફરજ નિભાવતા નિભાવતા સ્વાસ્થ્ય કર્મી, મનપા કર્મી અને પોલીસ કર્મી પણ કોરોનાનો શિકાર બની ચુક્યા છે. 

ક્યાં કેટલા પોઝિટિવ

• એલ જી હોસ્પિટલમાં ડોક્ટર- નર્સ સહિત 10 મેડિકલ સ્ટાફ પોઝિટિવ   
•  સોલા સિવિલ હોસ્પિટલના 2 રેસિડેન્ટલ ડૉક્ટર પોઝિટિવ 
•  જીવરાજ મહેતા હોસ્પિટલના 5 મેડિકલ સ્ટાફ પણ કોરોના પોઝિટિવ
•  4 પોલીસ કોન્સ્ટેબલ કોરોના પોઝિટિવ
•  આસ્ટિટન્ટ મ્યુ. કમિશનર સહિત આવશ્યક સેવાઓમાં મદદ કરતાં અન્ય 14 કોર્પોરેશનના કર્મચારીઓને કોરોના
•  અગાઉ RBSK ડોક્ટર અને અન્ય આરોગ્ય વિભાગના ગ્રાઉન્ડ લેવલ કર્મીઓને કોરોના પોઝિટિવ છે.

અમદાવાદમાં કોરોના બેકાબૂ

અમદાવાદમાં કુલ 545 કેસ નોંધાયા છે જેમાંથી 17 લોકોના મોત થઈ ચુક્યા છે જ્યારે 21 લોકો સાજા થઈ ચુક્યા છે પણ કોરોનાનો કહેર દિવસેને દિવસે વધી રહ્યો છે. ગુજરાતમાં કુલ 929 કેસ નોંધાયા છે જેમાંથી 73 સાજા થયા છે અને 36 લોકોના મોત થઈ ચુક્યા છે.