મહામારી / અમદાવાદનું જમાલપુર માર્કેટ 4 મહિનાથી બંધ: મહામારીમાં ખેડૂતોના હાલ બેહાલ

• અમદાવાદનું જમાલપુર માર્કેટ 4 મહિનાથી બંધ 
• કોરોનાને કારણે 1 મહિના માટે બંધ કરાયું હતું માર્કેટ
• એક મહિના માટે બંધ કરાયા બાદ હજુ સુધી નથી ખુલ્યું માર્કેટ

કોરોનાના કારણે અમદાવાદનું જમાલપુર માર્કેટ 4 મહિનાથી બંધ છે. કોરોના વાયરસને લઇને શરૂઆતમાં એક મહિના માટે જમાલપુર માર્કેટ બંધ કરાયું હતું. પરંતુ એક મહિના બાદ હવે 4 મહિના થઇ ગયા પરંતુ હજુ પણ જમાલપુર માર્કેટ નથી ખુલ્યું. માર્કેટ બંધ રહેતા ખેડૂતોને અનેક પ્રકારની મુશ્કેલીઓ પડી રહી છે.

ખેડૂતોએ હવે જમાલપુર APMC ખોલવાની માગ કરી છે. જેને લઇ જમાલપુર APMCમાં ખેડૂતો એકઠા થયા હતા. જો કે પોલીસે બાદમાં ખેડૂતોને જમાલપુર APMCમાંથી દૂર કર્યા છે

કોરોનાના કેસ

રાજ્યમાં આજે કોરોનાના 1108 કેસ નોંધાતા કુલ આંકડો 63,675 પર પહોંચ્યો છે. આજે 805 દર્દીઓ સાજા થતાં અત્યાર સુધીમાં કુલ 46,587 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. તો આમ ગુજરાતમાં સાજા થવાનો દર 73.16 ટકા થયો છે. તો આ સાથે જ એક ચિંતાજનક બાબત એવી પણ છે કે, રાજ્યમાં સુરત અને અમદાવાદ બાદ હવે વડોદરામાં કોરોનાના કેસમાં ઉછાળો નોંધાઇ રહ્યો છે. વડોદરામાં ગત 24 કલાકમાં 96 નવા કેસ નોંધાયા છે.