Coronavirus / ભારતમાં કોરોના વાયરસના પોઝિટવ કેસની દૈનિક સરેરાશમાં ગુજરાત ત્રીજા નંબરે

• અન્ય રાજ્યો કરતા ગુજરાતનો આંકડો ડરામણો
• ગુજરાતમાં લોકોલ ટ્રાન્સમિશનનો ખતરો
• રોજના કોરોના પોઝિટિવ કેસની સરેરાશ 5.85

ગુજરાતમાં કોરોના પોઝિટિવના 87 કેસ નોંધાયા છે જેમાંથી 7ના મોત થઈ ચુક્યા છે અને 7 સાજા થઈ ચુક્યા છે. દૈનિક કેસની સરેરાશમાં ગુજરાત દેશમાં ત્રીજા ક્રમે છે. ગુજરાતમાં રોજના કોરોના પોઝિટિવ કેસની સરેરાશ 5.85 છે. ગુજરાતમાં પ્રથમ કેસ 19 માર્ચે નોંધાયો હતો. માત્ર 14 દિવસમાં જ 87 કોરોના પોઝિટિવ કેસો નોંધાયા છે. દૈનિક કેસની સરેરાશમાં મહારાષ્ટ્ર, આંધ્રપ્રદેશ બાદ ગુજરાત ત્રીજા ક્રમે આવે છે. 

અન્ય રાજ્યો કરતા ગુજરાતનો આંકડો ડરામણો

કોરોનાનો કહેર વિશ્વને હંફાવી રહ્યો છે ત્યારે ભારત અને ગુજરાત પણ તેમાંથી બાકાત નથી. ચોંકાવનારી વાત એ છે કે વિશ્વના 52 દેશો અને ભારતના 19 રાજ્યો કરતાં વધુ કેસ ગુજરાતમાં નોંધાયા છે. બુધવારે તો એક સાથે 13 કેસ મળી આવ્યા હતા. ગુજરાતમાં કુલ આંક 87નો થયો છે જેમાંથી 31 કેસ તો અમદાવાદના છે. આ આંકડો દેશનાં અન્ય 13 રાજ્યો કરતા પણ વધુ છે.

ગુજરાતમાં લોકોલ ટ્રાન્સમિશનનો ખતરો

ગુજરાતમાં સૌથી વધારે પોઝિટિવ કેસ મળવાનું કારણ રાજ્યનું અન્ય રાજ્ય અને અમેરિકા સહિત વિશ્વના ઘણા દેશોમાંથી સતત આવન-જાવન મોટું કારણ છે. ખાસ કરીને અમદાવાદ, કારણ કે વિદેશથી આવતા મોટા ભાગના મુસાફરો અહીં જ લેન્ડ થયા હતા. ગુજરાતમાં જે 87 દર્દી મળ્યાં છે તેમાંથી 33 વિદેશમાંથી આવેલા લોકો છે. તો માત્ર 8 જ લોક એવા છે જે અન્ય રાજ્યમાંથી ચેપ લગાવી ગુજરાત આવ્યા છે. ચોંકાવનારી વાત એ છે કે સૌથી વધુ 53 એટલે કે 87માંથી 46 દર્દી લોકલ ચેપના છે. સૌથી ખતરનાક આ જ છે. કેમ કે આનાથી સ્પષ્ટ થઈ રહ્યું છે કે વાયરસ લોકલ સ્તરે ઝડપથી ફેલાયો છે.

16 દેશ એવા છે કે જ્યાં 5 કે તેથી ઓછા કેસ નોંધાયા

વિશ્વના 195માંથી 52 દેશ એવા છે કે જેમને ત્યાં ગુજરાત કરતાં પણ ઓછા કેસ નોંધાયા છે. તેમાં પણ 21 દેશ એવા છે કે જ્યાં 10થી પણ ઓછા કેસ છે. 16 દેશ એવા છે કે જ્યાં 5 કે તેથી ઓછા કેસ નોંધાયા છે. 15 દેશ તો એવા છે કે જ્યાં એક પણ કેસ નોંધાયો નથી. આફ્રિકાના દેશો હોવાનું કારણ એ છે કે તેમની ઇમ્યુનિટી અન્ય દેશો કરતા સારી છે.