MLA ઇમરાન ખેડાવાડાને કોરોના પોઝિટિવનો મામલો હવે તુલ પકડી રહ્યો છે. મોડીરાત્રે ઇમરાન ખેડાવાલાને હોસ્પિટલમાં દાખલ કરાયા છે. MLA ઇમરાન ખેડાવાલાને SVP હોસ્પિટલમાં દાખલ કરવામાં આવ્યા છે. SVP હોસ્પિટલમાં ઇમરાન ખેડાવાલાની સારવાર ચાલી રહી છે.
SVP હોસ્પિટલમાં ઇમરાન ખેડાવાલાની ચાલી રહી છે સારવાર
લક્ષણો દેખાતા ગઇકાલે ખેડાવાલાએ કરાવ્યો હતો રિપોર્ટ
ગતસાંજે MLA ખેડાવાલાનો રિપોર્ટ આવ્યો હતો પોઝિટિવ
કોરોનાના લક્ષણો દેખાતા ગઇકાલે ખેડાવાલાએ રિપોર્ટ કરાવ્યો હતો. ગતસાંજે MLA ખેડાવાલાનો રિપોર્ટ કોરોના પોઝિટિવ આવ્યો હતો. ખેડાવાલા કાલે CM રૂપાણી સાથે બેઠક કરી હતી જેમાં હાજર રહેલા તમામ લોકોના જીવન મુશ્કેલીમાં મુકી દીધા છે. વળી રીક્ષામાં ફરી ફરીને લોકોને ઘરમાં રહેવાની અપીલ કરવા વાળો વીડિયો સામે આવ્યો છે જે સોમ કે મંગળવારનો નથી. પણ રવિવારનો હોવાનો ખેડાવાલા દાવો કરી રહ્યા છે.
શું કહે છે ખેડાવાલા?
મને કોરોનાના કોઇ લક્ષણ ન હતા. મને બે દિવસ સામાન્ય તાવ આવે તેવો તાવ આવ્યો હતો. સામાન્ય હાથ પગ દુખતા હતાં. એટલે મેં સામાન્ય તાવની દવા લીધી હતી. થોડો ફેર પડ્યો પણ શરદી થઈ ગઈ નાક જામ થઈ ગયુ અને શ્વાસ લેવામાં પણ તકલીફ પડવા લાગી એટલે મેં રિપોર્ટ કરાવ્યો હતો. આ માટે આરોગ્ય ટીમ ઘરે આવીને મને મળી ગઈ હતી અને મારા સેમ્પલ લઈ ગઈ હતી. ગઈકાલે CM ઓફિસથી ફોન આવ્યો હતો એટલે મળવા ગયો હતો. કોટ વિસ્તાર ક્ફર્યુ બાબતે બેઠક હતી. એટલે હું ગયો હતો. મેં ગઈકાલે વારંવાર હેલ્થ ખાતામાં ફોન કરી કરીને રિપોર્ટ અંગે પૂછપરછ કરી હતી જેમાં મારો રિપોર્ટ છેક ગઈકાલે આઠ વાગ્યે આવ્યો હતો.
હાલ સારવાર હેઠળ
ઈમરાન ખેડાવાલાને હાલ SVP હોસ્પિટલમાં સારવાર અર્થે દાખલ કરવામાં આવ્યા છે. ઈમરાન ખેડાવાલાની CM રૂપાણીની મુલાકાતને પગલે CM રૂપાણીની તમામ બેઠકો રદ્દ કરવામાં આવી છે અને તેમને ક્વોરન્ટાઈન કરવામાં આવ્યા છે.