અમદાવાદની આ બહેન, દીકરી અને માતાઓને સલામ છે. આ બહેનો રોજના 5000 જેટલા ફૂડ પાર્સલ તૈયાર કરે છે જે પોલીસ સહિત જરૂરિયાત સુધી પહોંચાડાય છે. કોરોના વાયરસને કારણે નોકરી ધંધા ઠપ્પ છે. ત્યારે ભુખ્યાને ભોજન કરાવીને આ ભગીનીઓ ભીગરથ કાર્ય કરી રહી છે. VTVGujarati.com તેમને દિલથી સલામ કરે છે.
એક અનોખુ ઉદાહરણ
મહિલાઓ બનાવી રહી છે થેપલા અને રોટલી
10 હજારથી વધુ થેપલા બનાવાયા
કોરોનાના કહેર વચ્ચે અમદાવાદમાં માનવતા મહેકી ઉઠી છે. લોકડાઉન બાદથી જ અમદાવાદીઓ સતત સેવામાં લાગી ગયા છે. ત્યારે નરોડામાં 5 હજારથી વધુ લોકો માટે ફૂડ પેકેટનું વિતરણ કરવામાં આવી રહ્યુ છે.
સ્થાનિક મહિલાઓ પોતાના ઘરેથી રોટલી-થેપલા બનાવે છે
મહિલા દીઠ ઘરેથી 30 રોટલી-થેપલાનું યોગદાન કરવામાં આવે છે. કુલ 10 હજારથી વધુ રોટલી-થેપલાનું વિતરણ કરાશે. પોલીસ અને ગરીબ પરિવારોને આ ભોજન આપવામાં આવી રહ્યું છે.
પોલીસ પહોંચાડી રહી છે ભોજન
અમદાવાદમાં ફરજ સાથે સાથે પોલીસકર્મીઓ સેવાકાર્ય કરી રહ્યાં છે. લોકડાઉનની ફરજ વચ્ચે પોલીસકર્મીઓ સેવાકાર્ય પણ કરી રહ્યાં છે ચિલોડામાં ગરીબ લોકોને નરોડા પોલીસે ફૂડ પેકેટનું વિતરણ કર્યું. ભોજન આપતા પહેલા સેનેટાઇઝરથી હાથ સાફ કરાવ્યા અને ત્યાર બાદ તેમને ભોજન પૂરુ પાડ્યું. પોલીસે જરૂરિયાતમંદ બાળકો, મહિલા અને પુરુષોને ભોજન પૂરું પાડ્યું હતું.