ચિંતાજનક / ગુજરાતના પૂર્વ મુખ્યમંત્રી કેશુભાઈ પટેલનો કોરોના રિપોર્ટ પોઝિટિવ

• ગુજરાતની માથે કોરોનાનો કહેર
• પૂર્વ મુખ્યમંત્રી બન્યા શિકાર
• CM રૂપાણીએ કરી કેશુભાઈના દીકરા સાથે વાત

ગુજરાત પર કોરોનાનો કહેર વરસી રહ્યો છે. એક પછી એક નેતાઓ પણ કોરોનાના સંકજામાં આવી રહ્યા છે ત્યારે  પુર્વ મુખ્યમંત્રી કેશુભાઇ પટેલનો કોરોના સંક્રમિત થયા છે.

ગુજરાતના પુર્વ મુખ્યમંત્રી કેશુભાઇ પટેલ કોરોના સંક્રમિત, કેશુભાઇ પટેલનો કોરોના રિપોર્ટ પોઝિટિવ
.#Gujarat #KeshubhaiPatel #coronavirus

— VTV Gujarati News and Beyond (@VtvGujarati) September 18, 2020

મુખ્યમંત્રી વિજય રૂપાણીએ આ અંગે કેશુભાઈના પુત્ર સાથે ટેલિફોનિક વાતચિત કરી હતી. 

ગુજરાતમાં કોરોનાની સ્થિતિ

અમદાવાદ, સુરત, રાજકોટ, જામનગર, વડોદરા અને ભાવનગરમાં કોરોનાનું સંક્રમણ વધી રહ્યું છે. રાજ્ય સરકાર દ્વારા આજના કોરોનાના આંકડા જાહેર કરવામાં આવ્યા છે. જે અનુસાર છેલ્લા 24 કલાકમાં 1379 નવા કેસ સાથે કુલ આંકડો 1,19,088 પર પહોંચ્યો છે. તો આજે 1,652 દર્દીઓ સાજા થયા અને 14 દર્દીઓના મોત થયા છે. રાજ્યમાં અત્યાર સુધીમાં 3273 દર્દીઓના મોત થયા છે. જ્યારે 16007 દર્દીઓ હાલ સારવાર હેઠળ છે.

આ 4 જિલ્લામાં 200થી વધુ દર્દીઓ સાજા થયા

આજે 1,652 દર્દીઓ સાજા થતા રાજ્યમાં કુલ સાજા થયેલા દર્દીઓનો આંકડો 99808 પર પહોંચ્યો છે. રાજ્યમાં સાજા થવાનો દર 83.81 ટકા થયેલ છે. તો આજે 4 જિલ્લામાં 200થી વધુ દર્દીઓ સાજા થયા છે. જેમાં સુરતમાં 290, અમદાવાદમાં 224, રાજકોટમાં 237 અને મહેસાણામાં 203 દર્દીઓ સાજા થયા છે. તો જામનગરમાં 120 અને વડોદરામાં 119 દર્દીઓ સાજા થયા છે.

આજે સૌથી વધુ કોરોનાના ટેસ્ટ કરવામાં આવ્યા

રાજ્યમાં આજે સૌથી વધુ 85,620 કોરોનાના ટેસ્ટ કરવામાં આવ્યા છે. તો અત્યાર સુધીમાં રાજ્યમાં કુલ 36,09,808 ટેસ્ટ કરવામાં આવ્યા. ત્યારે રાજ્યમાં છેલ્લા 24 કલાકમાં નોંધાયેલા કેસના જિલ્લાવાર આંકડા નીચે મુજબ છે.