મ્યુનિસિપલ કોર્પોરેશનના સત્તાવાળાઓએ લોકડાઉનના કારણે ભારે મુસીબતમાં મુકાયેલા ગરીબો અને નિરાધાર લોકોમાં ફૂડ પેકેટ વિતરણની કામગીરી ગઇ કાલથી જ શરૂ કરાઇ છે. આવા દીનહીન લોકોને આજે પણ ફૂડ પેકેટ પૂરાં પડાશે. સરકાર સિવાય સેવાભાવી સંસ્થાઓ અને લોકો પણ અટવાઈ પડેલા અથવા તો ઘરવિહોણા અને શ્રમીકોની વહારે આવી તેમને ભોજન પુરુ પાડી આ સંકટ સમયમાં માનવતાનું ઉત્તમ ઉદાહરણ પુરુ પાડી રહ્યા છે.
કોર્પોરેશનમાંથી પણ અપાઈ રહ્યુ છે ભોજન
પોલીસ જોડાયા કામમાં
પુરી-શાક અને છાશની વ્યવસ્થા કરવામાં આવી
શહેરની અગ્રણી હોટલ-રેસ્ટોરાં, ધાર્મિક સંસ્થાઓ વગેરેના સહયોગથી ગઇ કાલે મ્યુનિસિપલ તંત્ર દ્વારા ગરીબો અને નિરાધાર લોકો માટે પૂરી-ભાજી, ખીચડી-કઢી-સમોસા વગેરેનો સમાવેશ ધરાવતાં ફૂડ પેકેટનું વિતરણ કરાયું હતું. જે તે ઝોન-વોર્ડની જેટ રિક્ષા દ્વારા આવા છેવાડાના લોકોને સવાર-સાંજ મળીને કુલ 6300 ફૂડ પેકેટ અપાયાં હતાં. રોજનું રોજ કમાઇને ખાતા લોકો કે જેમના કામધંધા અત્યારે બંધ છે અને અનેક ભિક્ષુકની હાલત લોકડાઉનથી ભારે કફોડી થઇ છે આવા જરૂરિયાતવાળા લોકોને ફૂડ પેકેટ આપવાની કામગીરી આજે પણ ચાલુ રહેશે અને આજે વધુ 5000 ફૂડ પેકેટનું તંત્ર દ્વારા વિતરણ કરાશે.
પુરી-શાક અને છાશની વ્યવસ્થા કરવામાં આવી
અમદાવાદમાં લોકડાઉનની કડક અમલવારી શરૂ કરી દેવામાં આવી છે. ત્યારે આ લોકડાઉન વચ્ચે પોલીસ અને ગરીબ પરિવારો માટે ફૂડ પેકેટ બનાવવામાં આવી રહ્યાં છે. નારોલમાં શ્રીહરિ સોસાયટીના રહીશોએ દ્વારા ફૂડ પેકેટ તૈયાર કરવામાં આવ્યા છે. પુરી-શાક અને છાશની વ્યવસ્થા કરવામાં આવી છે. પોઇન્ટ પર ખડેપગે રહેલા પોલીસ જવાનો અને વતન પરત ફરી રહેલા લોકોને ફૂડ પેકેટ સપ્લાય કરવામાં આવી રહ્યાં છે.
પોલીસ જોડાયા કામમાં
લોકડાઉનની સ્થિતિ વચ્ચે ભરૂચમાં પોલીસ સેવાકીય કામગીરીમાં જોતરાઈ છે. પોલીસ ગરીબ અને શ્રમજીવી પરિવારોની વહારે આવી છે. માર્ગો પર રહેતા ભિક્ષુકો અને ઘર વિહોણા લોકોને અલગ અલગ ટીમે ફૂડ પેકેટનું વિતરણ કર્યું છે. DySP સહિતના અધિકારીઓ પણ સેવાકીય કામગીરીમાં જોતરાઈ ગયા છે.
ચાલતા જતા લોકોને પોલીસે જમાડ્યા
કોરોના વાયરસના સંકટના કારણે રાજસ્થાનના શ્રમિકોએ ચાલતી પકડી છે. લોકડાઉનના કારણે અમદાવાદમાં મજૂરી કામ કરનારા લોકોને ભારે હાલાકી પડી રહી છે. અને હજારોની સંખ્યામાં લોકો અમદાવાદથી રાજસ્થાન નેશનલ હાઇવે નંબર 8 પર ચાલતા નીકળ્યા છે. વાહન વ્યવહાર ખોરવાતા લોકો ચાલતા વતન તરફ રવાના થયા છે. ત્યારે હિંમતનગરમાં પોલીસ સ્ટાફ અને સિવિલ તરફથી તમામ લોકોને જમવાનું આપવામાં આવ્યું હતું. પોલીસે તમામને વતન તરફ વાહનમાં બેસાડીને માનવતાનું ઉત્તમ ઉદાહરણ પુરૂ પાડ્યું હતું.