Coronavirus / ગુજરાત સરકારે કહ્યું, અનાજનો જથ્થો પૂરતો છે અને ચિંતા કરવાની જરૂર નથી

• લોકડાઉન વચ્ચે રાજ્યમાં પૂરતો અનાજનો જથ્થો
• અનાજ પુરવઠાને લઇ લોકોએ ચિંતા કરવાની જરૂર નથી
• દરરોજ 12 હજાર ટન ઘઉ-ચોખા કેન્દ્ર ગુજરાતને આપે છે

ગુજરાતમાં છેલ્લા એક અઠવાડિયામાં કોરોનાનો કહેર વર્તાવાનું શરૂ થઈ ગયુ છે. આજે ગુજરાતમાં એક સાથે 55 કોરોના પોઝિટવ કેસ સામે આવ્યા છે. જેમાં એકલા અમદાવાદમાં જ 50 કેસ સામે આવતા કોરોનાની રફ્તારને સમજી શકાય છે. ત્યારે ગુજરાત સરકારે અનાજના જથ્થા વિશે હૈયાધારણ આપી છે. 

લોકડાઉન વચ્ચે રાજ્યમાં પૂરતો અનાજનો જથ્થો

અનાજ પુરવઠાને લઇ લોકોએ ચિંતા કરવાની જરૂર નથી. દરરોજ 12 હજાર ટન ઘઉ-ચોખા કેન્દ્ર ગુજરાતને આપે છે. અન્ય રાજ્યોમાથી પ્રતી દિવસ 12 હજાર ટનની ખરીદી કરાય છે. પ્રધાનમંત્રી ગરીબ કલ્યાણ યોજના 3.82 કરોડ લાભાર્થીઓને અનાજ મળશે. 3 મહિના સુધી લાભાર્થીઓને અનાજ આપવામા આવશે. ગુજરાતમા દોઢ વર્ષ સુધી અનાજ મળી રહે તેવી FCI ની તૈયારી છે. 

રાજ્યમાં ફૂડ કોર્પોરેશનના 33 ગોડાઉનમાં જથ્થો ઉપલબ્ધ

રાજ્યના 33 ગોડાઉનમાં 6.50 લાખ ટન અનાજનો જથ્થો ઉપલબ્ધ છે. દરરોજ માલગાડી મારફતે અનાજનો જથ્થો અમદાવાદ આવી રહ્યો છે