જવાબ / સિવિલમાં જીવતા દર્દીને બદલે મૃતદેહ સોંપી દેવાની ઘોર બેદરકારી મામલે DyCM નીતિન પટેલે કહ્યુ...

• અમદાવાદ સિવિલ હોસ્પિટલની બેદરકારી મામલો
• સિવિલ બેદરકારી મુદ્દે DYCM નીતીન પટેલનું નિવેદન 
• મૃતદેહની અદલાબદલી મામલે તપાસની dycmએ આપી હૈયાધારણ

શું કહ્યુ DYCM નીતિન પટેલે?

અમે સમગ્ર મામલાની તપાસ કારવીશું. સિવિલ હોસ્પિટલ મુદ્દે હું ખાસ તપાસ કરાવીશ. સિવિલ હોસ્પિટલમાં ડોક્ટરો જોખમ વચ્ચે સેવા કરે છે. આવડા મોટા કામમાં ક્ષતિ થઈ હશે તો ચોક્કસથી તપાશ કરીશુ. 

વધુમાં અનલોક 1 મુદ્દે પણ DYCM નીતિન પટેલે જણાવ્યું હતુ કે, સરકારે ઉદારતાથી નિયમો હળવા બનાવ્યા છે. નાગરિકો પર વિશ્વાસ રાખી સરકારે નિયમો હળવા કર્યા છે. 
આવતીકાલથી લગભગ બધુ શરૂ થઈ જશે. હોટેલ, રેસ્ટોરન્ટ પણ ચાલુ થઈ જશે. બધુ શરૂ થશે એટલે નાગરિકોએ ધ્યાન રાખવુ પડશે. નાગરિકોએ નિયમો પાળવા પડશે. 
 
શું છે મામલો?

અમદાવાદની સિવિલ હોસ્પિટલની ફરી એક વખત ગંભીર બેદરકારી સામે આવી છે. નિકોલ વિસ્તારમાં રહેતા એક ડાયાબીટીસના દર્દીને મૃત જાહેર કરવામાં આવ્યા છે. દર્દીને મૃત જાહેર કર્યા બાદ પરિવારે તેમનું અંતિમસંસ્કાર પણ કર્યુ. અંતિમ સંસ્કાર કર્યાના એક દિવસ બાદ પરિવારને સિવિલમાંથી દર્દીને ઘરે લઈ જવા માટે કહેવા માટે ફોન આવ્યો. દર્દીનો કોરોનાનો રિપોર્ટ નેગેટિવ આવ્યો હોવાનું સિવિલમાંથી જણાવાયું. 

રિપોર્ટ નેગેટિવ હોવાથી હોસ્પિટલમાંથી ઘરે લઈ જવા કહેવામાં આવતા અનેક સવાલ થયા. એક દિવસ પહેલા મોત થતા અંતિમસંસ્કાર પણ કરવામાં આવ્યા, તેમ છતા ફરીથી ફોન કરીને દર્દીને ઘરે લઈ જવાનું કહેવામાં આવતા અનેક સવાલ થયા છે. મળતી માહિતી મુજબ 29 મેના રોજ સિવિલમાંથી દર્દીને PPE કિટમાં મૃતદેહ સોંપાયો હતો. મૃતદેહ PPE કિટમાં હોવાથી ચહેરો બતાવવામાં આવ્યો ન હતો. ફરીથી સિવિલમાંથી ફોન આવતા પરિવારજનોએ ખોટી અંતિમવિધિ કરી કે, સિવિલમાંથી ખોટો ફોન આવ્યો તે અંગે સવાલ થઈ રહ્યા છે.

સિવિલ હોસ્પિટલની બેદરકારી!

• પરિવારને કોનો મૃતદેહ સોંપાયો?
• 29 મેના રોજ કોનું થયુ અવસાન?
• શું સિવિલમાંથી ખોટો ફોન કરાયો?
• શું પરિવારે અન્ય કોઈ વ્યક્તિની કરી અંતિમવિધિ?