LOCKDOWN / પ્રજા કોરોનાની મહામારી સામે ઝઝૂમી રહી છે અને MLA ઉજવણીઓમાં મશગૂલ છે

• ધંધુકાના ધારાસભ્ય રાજેશ ગોહિલ સામે ફરિયાદ
• લોકડાઉન વચ્ચે પાર્ટી યોજતા કરાઈ ફરિયાદ
• જાગૃત નાગરિકે ધારાસભ્ય વિરુદ્ધ કરી ફરિયાદ
   

ધંધુકાના ધારાસભ્ય રાજેશ ગોહિલ વિવાદમાં સપડાયા છે. સમગ્ર દેશમાં હાલમાં લોકડાઉનની સ્થિતિ છે અને લોકોને બહાર ન નિકળવાની અપીલ કરવામાં આવી રહી છે ત્યારે ધંધુકાના ધારાસભ્ય કોઈપણ ફિકર કર્યા વગર પુત્રના જન્મદિવસની પાર્ટી કરી હતી. લાગે છે કે નેતાજીને ન તો કોરોનાનો ડર છે, ન તો સરકારે બનાવેલા નિયમની ગંભીરતા છે. 

કોરોના જેવી મહામારીના સમયે જરૂરીયાત મંદ લોકોને મદદ પહોંચાડવાની હોય, સરકારી તંત્ર વ્યવસ્થિત રીતે કામ કરે છે કે નહીં તે વાતનું ધ્યાન રાખવાનું હોય, ત્યારે આવા સમયે ધંધુકાના જનનાયક ગણાતા ધારાસભ્ય રાજેશ ગોહિલ પાર્ટીના મૂડમાં જોવા મળ્યા. જનસેવકની આવી હરકતની વાત સામે આવ્યા બાદ અનેક સવાલ ઉભા થઈ રહ્યા છે. આ સમગ્ર મામલે રાજેશ ગોહિલ સામે ફરિયાદ નોંધાઈ ચુકી છે.  હવે રાજેશ ગોહિલ શું સ્પષ્ટતા આપે છે, તે જોવું રહ્યું.

ગુજરાતમાં કોરોનાની આંકડાકિય માહિતી