ગુજરાતમાં છેલ્લા 3 દિવસથી કોરોના વાયરસના કેસ ડબલ સંખ્યામાં વધી રહ્યા છે ત્યારે ગુજરાતના પોલીસ વડા શિવાનંદ ઝાએ પત્રકાર પરિષદમાં કડક શબ્દોમાં જણાવ્યું હતુ કે, લોકડાઉનનું કડક પાલન કરો. NSS અને NCCના યુવાનોને પણ પોલીસખાતામાં જોડીને કામગીરી કરવામાં આવશે. હાલ ગુજરાતમાં કડક રીતે ક્લસ્ટર ક્વોરન્ટાઈનનું વિસ્તારની દેખરેખ રખાઈ રહી છે. એ સાથે જ શહેરો અને ગામડાઓ ઉપર પણ નજર રાખવામાં આવી રહી છે. આ સાથે જ તેમણે તાકીદ કરી હતી કે, પોલીસકર્મીઓ 12-12 કલાકની અવિરત ડ્યુટી કરી રહ્યા છે. એમને સમજો તો સારૂ.
NCCના 2698, NSSના 2034 કેડર પોલીસ સાથે જોડાશે
ડ્રોન અને CCTVનો વધુમાં વધુ ઉપયોગ થઇ રહ્યો છે
પોલીસકર્મી સ્વસ્થ રહે તે પણ જરૂરી
કડક શબ્દોમાં પોલીસવડા શિવાનંદ ઝાએ જણાવ્યુ હતુ કે, ક્લસ્ટર ક્વોરોન્ટાઇનવાળા વિસ્તારમાં કડક કાર્યવાહી કરાશે. લોકો પુરતો સહકાર આપે તે ઇચ્છનીય છે. ગ્રામ્ય વિસ્તારમાં તકેદારીના યોગ્ય પગલા લેવાઇ રહ્યાં છે. પોલીસ ગ્રામ્ય વિસ્તારમાં પેટ્રોલિંગ કરી રહી છે. ગ્રામ્ય વિસ્તારમાં શહેરમાંથી આવેલા લોકોને ક્વોરોન્ટાઇન કરાય. શહેરથી ગામમાં આવેલા લોકો વડીલોના સંપર્કમાં ન આવે.
NCC અને NSSના વિદ્યાર્થીઓ પોલીસ સાથે જોડાશે
NCCના 2698, NSSના 2034 કેડર પોલીસ સાથે જોડાશે. પોલીસકર્મીઓ સ્વસ્થ રહે તે પણ જરૂરી છે. પોલીસકર્મીઓની આરોગ્યની ચકાસણી કરવામાં આવી રહી છે. પોલીસકર્મીમાં લક્ષણો દેખાય તો અધિકારીનો સંપર્ક કરે.
ડ્રોન અને CCTVનો વધુમાં વધુ ઉપયોગ થઇ રહ્યો છે
ડ્રોન ફુટેજથી 2094 ગુનાઓ દાખલ કરાયા છે. 5168 લોકોની ધરપકડ કરાઇ છે. CCTV ફૂટેજના આધારે 307 ગુના દાખલ, 628 લોકોની ધરપકડ કરવામાં આવી છે.
ધાર્મિક કામ માટે ભેગા ન થાઓ
કોઈ પણ જગ્યાએ માણસ ભેગા થશે તો સખત કાર્યવાહી થશે.
વધુમાં DGPએ જણાવ્યું હતુ કે, પોલીસ અવિરત કામ કરી રહી છે. 12-12 કલાકની પોલીસકર્મીઓ ડ્યુટી કરી રહ્યા છે. કોરોનાના જોખમ છતાં ફરજ પર તૈનાત છે. તેમને સમજો અને તમે લોકડાઉનનો અમલ કરો.