LOCKDOWN / કોરોના સામે સાવચેતી એ જ બચાવ છે, તપતા તાપમાં પણ પોલીસ જવાન સુરક્ષામાં તૈનાત: DGP

• ગુજરાતમાં પોલીસ જવાનો પ્રજા માટે તૈનાત
• સોશિયલ મીડિયા પર અફવા ન  ફેલાવો
• તમારી અને તમારા પરિવારની સુરક્ષા તમારા હાથમાં

 
રાજ્ય પોલીસવડા શિવાનંદ ઝાએ જણાવ્યું હતુ કે, લોકડાઉનનું ચુસ્ત પાલન કરવા માટે લોકોનો સહકાર જરૂરી છે. જનતા પૂર્ણ સહકાર કરશે ત્યારે પોલીસ સંપૂર્ણ રીતે સફળ થશે. જો કોઇ લોકડાઉનનો ભંગ કરતુ હોય તો લોકો તેના વિશે માહિતી આપે. પોલીસ ડ્રોન અને સીસીટીવીના માધ્યમથી નજર રાખી રહી છે. ડ્રોનથી ગઇકાલે 293 અને સીસીટીવીથી 113 ગુના નોંધવામાં આવ્યા છે. સોશિયલ મીડિયામાં અફવા ફેલાવવા બદલ 23 એકાઉન્ટ બંધ કરવામાં આવ્યા છે.

અત્યાર સુધીમાં પોલીસે જપ્ત કરેલા કુલ 9906 વાહનો દંડ વસુલીને મુક્ત કર્યા

કોરોના વાઈરસને પહલે જાહેર કરાયેલા લોકડાઉન દરમિયાન શહેરના વિવિધ વિસ્તારમાંથી અત્યારસુધીમાં 16,425 લોકોની ધરપકડ કરવામાં આવી છે. તે સિવાય એક જ દિવસમાં 799 વાહનો કબજે કરીને વાહનચાલકો પાસેથી રૂા. 1,25,500નો દંડ વસુલ કરવામાં આવ્યો હતો. લોકડાઉન દરમિયાન જાહેરનામાનો ભંગ કરવાના અત્યાર સુધીમાં શહેરના વિવિધ વિસ્તારમાં 8826 ગુના નોંધવામાં આવ્યા છે જેમાં કુલ 16,425 આરોપીઓની ધરપકડ કરવામાં આવી છે.  અત્યાર સુધીમાં પોલીસે જપ્ત કરેલા કુલ 9906 વાહનો દંડ વસુલીને મુક્ત કર્યા છે.

ડ્રોનથી રખાઈ રહ્યુ છે ધ્યાન
 
બીજી તરફ પોલીસે 28  ડ્રોનનો ઉપયોગ કરીને વિવિધ વિસ્તારમાં અત્યારસુધીમાં 640 ગુનો નોંધીને કુલ 1636 આરોપીઓની ધરપકડ કરી હતી. ગઈકાલે ૩૩ ગુના નોંધીને 41 આરોપીને ઝડપી લેવામાં આવ્યા હતા. 

સોશિયલ મીડિયા પર પણ પોલીસની નજર

 સાયબર ક્રાઈમ મારફતે 8 ગુના નોંધવામાં આવ્યા છે.  6 આરોપીની ધરપકડ કરવામાં આવી છે. પોલીસે ફેસબુકના પાંચ અને ટ્વીટરના પાંચ વાંધાજનક આઈડી ડિલીટ કર્યા હતા. અત્યાર સુધીમાં સોશિયલ મીડિયામાં અફવા ફેલાવવા બદલ 23 એકાઉન્ટ બંધ કરવામાં આવ્યા છે.