કોંગ્રેસના ધારાસભ્યોનો લોકડાઉનનું ભંગ કરીને ફરજ પર તૈનાત જવાન સાથે જીભાજોડીનો વીડિયો વાયરલ થયો છે. બહુચરાજીના ધારાસભ્યને ગાડીમાંથી ઉતરવાનો એટલો ગુસ્સો આવ્યો કે, તેમણે TRB જવાનને અપશબ્દો સુધી સંભળાવી દીધા. જ્યારે હોદ્દેદારો જ લોકડાઉનનું પાલન કરાવવા જતા આટલા ગુસ્સે થઈ જતા હોય ત્યારે સામાન્ય નાગરિકોને લોકડાઉનના કે ધીરજના પાઠ કેવી રીતે ભણાવવાના?
ચંદન ઠાકોરે TRB જવાન સાથે કર્યું અસભ્ય વર્તન
બહુચરાજી ખાતે ગાડી અટકાવતા ધારાસભ્ય થયા ગુસ્સે
TRB જવાનને અપશબ્દો કહી મારવાનો કર્યો પ્રયાસ
સિદ્ધપુરના ધારાસભ્ય ચંદન ઠાકોરની દાદાગીરીની વીડિયો સામે આવ્યો છે. ધારાસભ્ય ચંદન ઠાકોરે TRB જવાન સાથે અસભ્ય વર્તન કર્યું છે. આ વર્તનનો વીડિયો વાયરલ થાય છે.
બહુચરાજી ખાતે ગાડી અટકાવતા ધારાસભ્ય ગુસ્સે ભરાયા હતા. અને TRB જવાનને અપશબ્દો કહી મારવાનો પ્રયાસ કર્યો હતો. જેને લઇને ધારાસભ્યને બહુચરાજી પોલીસ સ્ટેશન લઇ જવાયા છે.
હોદ્દેદાર જ તોડે છે નિયમ
જ્યારે હોદ્દેદાર જ નિયમોનું પાલન ન કરે ત્યારે સામાન્ય નાગરિક આ નિયમો કેવી રીતે માને? કોંગ્રેસના ધારાસભ્ય ચંદન ઠાકોરની ચો તરફ ટીકા થઈ રહી છે. અત્યાર સુધીમાં 50થી વધુ પોલીસકર્મી કોરોનાની ઝપેટમાં આવી ગયા હોવા છતાં ફરજ પર તૈનાત થઈ રહ્યા છે ત્યારે તેમને માનને બદલે ફિટકાર આપનાર આવા પ્રજાના સેવકો શું સબક આપવા માંગે છે?