સુરત, અમદાવાદ, વડોદરા માટે ઉચ્ચ અધિકારીઓની નિમણૂંક કરવામાં આવી છે. દર્દીના ટ્રીટમેન્ટમાં સ્વચ્છતા જળવાય તે માટે જવાબદારી સોંપાઇ છે. તો આજથી શરૂ થયેલા ઉદ્યોગોને લઇ સીએમઓ સચિવ અશ્વિની કુમારે કહ્યું કે સરકારી ગાઇડ લાઇન પ્રમાણે ઉદ્યોગો શરૂ કરવા મંજૂરી અપાઇ છે. મનપા અને નગર પાલિકા હદ સિવાયના ઉધોગ શરૂ કરાયા છે. જેમાં મજૂરોનું થર્મલ ગનથી તાપમાન ચકાસવું ફરજિયાત છે. આજે રાજ્યમાં 4000 જેટલા એકમ શરૂ થયા છે.
આજે રાજ્યમાં 4000 જેટલા એકમ શરુ થયા
કોરોનાનું સંક્રમણ અટકાવવા માટે સરકારનો મોટો નિર્ણય
અધિકારીઓને વિસ્તાર મુજબ જવાબદારી સોંપવામાં આવી
ગાંધીનગરમાં CMO સચિવ અશ્વિનીકુમારે પત્રકાર પરિષદ યોજીને જણાવ્યુ હતુ કે, કોરોનાના સંકટને પહોંચી વળવા CM રૂપાણીના માર્ગદર્શનથી ખાસ ટીમ તૈયાર કરવામાં આવી છે જે સમગ્ર દેખરેખ સંભાળશે.
કોરના સામે લડવાનો માસ્ટરપ્લાન
ગુજરાતમાં વિસ્તાર મુજબ અધિકારીઓને જવાબદારીઓ સોંપાઇ છે.
શહેરી વિકાસ અધિક મુખ્ય સચિવ મુકેશ પુરીને SVP હોસ્પિટલની જવાબદારી સોંપાઈ છે.
પુનમચંદ પરમારને વેન્ટિલેટર પર રહેલા દર્દીની જવાબદારી સોંપાઈ છે.
મનિશા ચંદ્રાને સમગ્ર રાજ્યમાં કોરાનાના સંકલનની જવાબદારી સોંપાઇ છે.
દિલિપ રાણાને કોરોનાના તબીબની જવાબદારી સોંપાઇ છે.
એ. કે. રાકેશને અમદાવાદ જિલ્લાની જવાબદારી સોંપાઇ છે.
શિક્ષણ વિભાગનાં સચિવ વિનોદ રાવને વડોદરા શહેર અને જિલ્લાની જવાબદારી સોંપાઈ છે.
મિલિંદ તોરવણેને અમદાવાદ સિવિલ, સિવિલ કેમ્પસની જવાબદારી સોંપાઇ છે.
સારા સમાચાર
આજથી NFSA કાર્ડ હોલ્ડરના એકાઉન્ટમાં પૈસા જમા થયા છે. સાથે જ સીએમ રૂપાણીની સુચનાથી ટેસ્ટિંગનું કામ પણ ઝડપી બનાવવામાં આવ્યું છે. અને પ્લાઝમા ટ્રીટમેન્ટને પણ પ્રોટોકોલ પ્રમાણે અમલમાં મૂકાઇ છે.
સરકારી ગાઇડ લાઇન પ્રમાણે ઉદ્યોગો શરૂ કરવા મંજૂરી અપાઇ
મનપા અને નગર પાલિકા હદ સિવાયના ઉધોગ શરૂ કરાયા છે. સરકારી ગાઇડ લાઇન પ્રમાણે ઉદ્યોગો શરૂ કરવા મંજૂરી અપાઇ છે. મજૂરો માટે 12 કલાકનો સમય નક્કી કરવામાં આવે અને મજૂરોનું થર્મલ ગનથી તાપમાન ચકાસવું ફરજિયાત કરવામાં આવ્યુ છે. ઔદ્યોગીક એકમોના માલીકો નિયમ અને સૂચનોનું પાલન કરે તે ફરજિયાત છે.