મહામારી / 3જી મેના રોજ ગુજરાતમાં લોકડાઉન ખોલવું કે નહીં? CMએ બોલાવી મંત્રીઓની બેઠક

• ગાંધીનગરમાં આજે વીડિયો કોન્ફરન્સથી કેબિનેટ બેઠક
• તમામ મંત્રી વીડિયો કોન્ફરન્સથી કેબિનેટ બેઠકમાં જોડાશે
• બેઠકમાં લોકડાઉનની સમય મર્યાદા મુદ્દે મહત્વની ચર્ચા થશે

ગાંધીનગરમાં આજે મુખ્યમંત્રી વિજય રૂપાણીની અધ્યક્ષતામાં કેબિનેટની બેઠક મળશે. તમામ મંત્રીઓ આજે વીડિયો કોન્ફરેન્સના માધ્યમથી બેઠકમાં જોડાશે.

બેઠકમાં શું થશે ચર્ચા!

બેઠકમાં લોકડાઉનની સમય મર્યાદા મુદ્દે મહત્વની ચર્ચા થશે. અમદાવાદ, સુરત, વડોદરા અને રાજકોટની સ્થિતિ મુદ્દે બેઠકમાં ચર્ચા થશે. સાથે જ 3 મેના રોજ મનપા સિવાયના વિસ્તારમાં મુક્તિ આપવાને લઈને પણ ચર્ચા કરાશે.

ગ્રીનઝોનમાં લોકડાઉનમાં છૂટ

હાલ રાજ્યમાં  ગ્રામ્યવિસ્તારમાં લોકડાઉનમાંથી શરતી છૂટ આપવામાં આવી છે પણ શહેરના વિસ્તાર અને અમદાવાદ, સુરત, રાજકોટ, વડોદરા, ભાવનગરમાં લોકડાઉન યથાવત છે અને હજુ યથાવત રહે તેવી સંભાવના છે. 

28થી શરૂ થયો ઈક્યુબેન્શન પિરિયડ

ગઈકાલથી ગુજરાતમાં ઈક્યુબેશન પિરિયડ શરૂ થયો છે એટલે કે કેસની સંખ્યા વધશે અને મોત પણ વધશે એવામાં 3 જી મેથી લોકડાઉનમાં છૂટ મહામારી માટે મોકળુ મેદાન બની શકે છે.