રાહત / કોરોના સંકટમાં સારા સમાચાર આવ્યા, તમાકુની ખેતી કરનાર ખેડૂતો માટે મહત્વની જાહેરાત

• ડિટેઈન કરાયેલ વાહનોની દંડ મર્યાદા નક્કી કરાઈ
• સિટી લિમિટમાં અધૂરા પ્રોજેકટ શરૂ કરવાની મંજૂરી અપાશે
• તમાકુની ખેતી કરનાર ખેડૂતો માટે મહત્વની જાહેરાત 

આ લોકોનું કોરોનાથી મોત થાય તો પરિવારને 25 લાખની સહાય

સરકારી કર્મચારી જો ફરજ દરમિયાન મોત થાય તો તેમને 25 લાખ મળશે. પણ તેમાં જોગવાઈ કરીને સસ્તા અનાજની દુકાન પર કામ કરતા 17000 કરતા વધુ ભાઈઓ બહેનોને કોરોના સંક્રમણથી અનાજ વિતરણ દરમિયાન મોત થાય તો તેમને પરિવારને પણ 25 લાખની સહાય કરશે તેવી જાહેરાત કરી છે. સસ્તા અનાજની દુકાન પર કામ કરતા, તોલનારા, કોમ્પ્યુટર ઓપરેટર, તોલાર્ટ આ લોકોનું પણ વિતરણની વ્યવસ્થા દરમિયાન કોવિડ 19 દ્વારા તેમનું મોત થાય તો ગુજરાત સરકાર તેમને રૂા. 25 લાખની સહાય કરશે.

અશ્વિની કુમારે જણાવ્યુ હતુ કે, APMCમાં તમાકુના પાકની ખરીદી શરૂ કરવામાં આવશે. 8 મનપા, 162 ન.પામાં ઉદ્યોગોને હાલ મંજૂરી નહીં મળે. શહેર બહારની ઇન્ડસ્ટ્રીઝને જ કલેકટર મંજૂરી આપશે. મોટા અને નાના શહેરોના ઉદ્યોગો શરૂ નહીં થઈ શકે.

સિટી લિમિટમાં અધૂરા પ્રોજેકટ શરૂ કરવાની મંજૂરી અપાશે

સરકારના પ્રોજેક્ટો પણ શહેરી વિસ્તારોમાં શરૂ થઈ શકશે. ખાનગી પ્રોજેકટમાં શ્રમિકો રાખવાની વ્યવસ્થા હોય તો જ મંજૂરી મળશે. ગાંધીનગર આવતા સચિવાલયના કર્મચારીઓ માટે બસ સુવિધા શરૂ નહીં કરાય . પોઇન્ટ બસ સેવા શરૂ નહીં કરાય. શરૂમાં ગાંધીનગરમાં રહેતા કર્મચારીઓ ફરજ પર આવશે. 

આવતીકાલથી છોટાઉદેપુર, પંચમહાલમાં CM શરૂઆત કરાવશે

સોમવારથી 66 લાખ કાર્ડધારકોના ખાતામાં 1 હજાર જમા કરાશે. રૂપિયા જમા માટે કોઈ પણ ફોર્મ ભરવાની જરૂર નથી. . NFSA કાર્ડધારકોના ખાતામાં 1 હજાર જમા થશેદાહોદ, સાબરકાંઠા, અરવલ્લી, મહિસાગરમાં પણ સહાય અપાશે. સસ્તા અનાજ ધારકોનું કોરોનાથી મૃત્યુ થાય તો 25 લાખની સહાય છે.

ડિટેઈન કરાયેલ વાહનોની દંડ મર્યાદા નક્કી કરાઈ

જે વાહનો ડિટેઈન કરાય છે તેના દંડની મર્યાદા નક્કી કરાઈ છે. ટુ-થ્રી વ્હીલર હશે તો 500 રૂપિયા દંડ વસૂલાશે. ફોર વ્હીલર પકડાશે તો 1000નો દંડ વસૂલાશે.