અમદાવાદ સિવિલ હોસ્પિટલ ફરીથી વિવાદમાં આવી છે. જાન્યુઆરીથી તૈયાર કરી હોવાની તંત્રની વાતોની વાસ્તવિકતા કંઈક ઓર જ હોવાનું સામે આવ્યુ છે. કોરોનાના દર્દીઓને પ્રોપર સારવાર ભોજન અને ઈવન બેડ ન મળતા હોવાની ફરિયાદ વારંવાર સામે આવી રહી છે આ અંગેના વીડિયો સિવિલ હોસ્પિટલની ગુલબાંગો કેટલી સાચી કેટલી ખોટી તે પુરવાર કરી રહ્યા છે. ફરીથી દર્દીનો વીડિયો સામે આવ્યો છે જે તંત્રની વાતો અને વર્તનના તફાવતને લોકોની સામે લાવી રહ્યો છે.
કોરોનાના કહેર વચ્ચે અમદાવાદની સિવિલ હોસ્પિટલ ફરી વિવાદમાં
કોરોનાના દર્દીએ વીડિયો બનાવીને કર્યો વાયરલ
દર્દીઓને સુવિધા ન મળતી હોવાનો વીડિયોમાં આક્ષેપ
કોરોનાના કહેર વચ્ચે અમદાવાદની સિવિલ હોસ્પિટલ ફરી વિવાદમાં આવી છે. કોરોનાના દર્દીએ વીડિયો બનાવીને વાયરલ કર્યો છે. દર્દીઓને સુવિધા ન મળતી હોવાનો વીડિયોમાં આક્ષેપ કરવામાં આવ્યો છે. પીવાનું પાણી, જમવાનું અને એ સિવાયની કોઈ વ્યવસ્થા નથી મળી રહી. એક તરફ કોરોના પોઝિટિવ હોવાને કારણે મોરલ તુટી ગયુ હોય અને ત્યાં આવું વર્તન કોરોના સામે જીત મેળવવામાં કેવી રીતે સફળતા મળશે? આ વીડિયો બોલતા પુરાવા છે. સિવિલ તંત્ર પાસે આનો કોઈ જવાબ છે કે નહીં તે તંત્ર જાણે.
સમયસર સારવાર અને જમવાનું ન આપતા હોવાનો આક્ષેપ કરવામાં આવી રહ્યો છે.
અમદાવાદે સિવિલ હોસ્પિટલે પણ જાહેર કર્યો હતો ખુલાસાનો વીડિયો
અમદાવાદ સિવિલ હોસ્પિટલમાં બેદરકારીનો મામલે સિવિલ તંત્રએ સ્પષ્ટતા કરી છે. કોરોનાના દર્દીઓએ હોબાળો મચાવ્યો હતો અને હોસ્પિટલમાં કોઇ સુવિધા ન મળતી હોવાનું કહ્યું હતું. જેનો વીડિયો પણ વાયરલ થયો હતો. ત્યાર બાદ આજે અમદાવાદ સિવિલ હોસ્પિટલ દ્વારા વીડિયો જારી કરવામાં આવ્યો. અમદાવાદ સિવિલ હોસ્પિટલ તંત્રએ તમામ સારી સુવિધા મળતી હોવાનો દાવો કર્યો છે.
રવિવારે પણ 25 દર્દીઓએ સિવિલમાં હોબાળો કર્યો હતો.
અમદાવાદમાં કોરોના વાયરસના દર્દીઓની સંખ્યા દતિવસે દિવસે વધી રહી છે. શહેરની સિવિલ હોસ્પિટલમાં 1200 બેડની કોવિડ-19ની હોસ્પિટલ તૈયાર કરવાની જાહેરાત કરાઈ. આ કોવિડ હોસ્પિટલની પોલ ખુલી છે. શહેરના ગાંધી રોડ પર આવેલા વાલંદાની હવેલીના 25 લોકોના ટેસ્ટ પોઝિટિવ આવતા તેઓને સિવિલ હોસ્પિટલ લઈ જવાયા હતા.
7 કલાક દર્દી બહાર ઉભા રહ્યા હતા
જોકે હોસ્પિટલમાં બેડની વ્યવસ્થા ન હોવાથી દર્દીઓ 7 કલાક સુધી બહાર રઝળ્યા હતા. જેથી એક પોઝિટિવ દર્દીએ વીડિયો બનાવીને જાહેર કર્યો હતો. 7 કલાક સુધી બહાર રઝળ્યા બાદ દર્દીઓ માટે બેડની વ્યવસ્થા કરાઈ હતી. અગાઉ પણ સિવિલ હોસ્પિટલમાં નર્સિંગ સ્ટાફે વ્યવસ્થાને લઈને હોબાળો કર્યો હતો. સેફ્ટીના સાધનોને લઈને નર્સિંગ સ્ટાફે વિરોધ કર્યો હતો. મોટા-મોટા દાવાઓ વચ્ચે એશિયાની સૌથી મોટી હોસ્પિટલમાં લાલિયાવાડી સામે આવતા તંત્રની પોલ ખુલી છે.