રાજ્યમાં કોરોના વાયરસના કેસ સતત વધી રહ્યાં છે. ત્યારે કોરોનાની સમીક્ષા કરવા માટે કેન્દ્રની ટીમ ગુજરાત આવી છે. અમદાવાદમાં કન્ટેઇનમેંટ ઝોનની મુલાકાતે કેન્દ્રની ટીમ આવી છે. ત્યારે DYCM નીતિન પટેલે પણ જણાવ્યું હતુ કે, સાંજ 4 વાગ્યે CM રૂપાણી આ અંગે બેઠક કરશે.
ગુજરાતમાં કોરોનાના કેસ સતત વધી રહ્યાં છે. ત્યારે આ સ્થિતિ વચ્ચે કેન્દ્રીય આરોગ્ય વિભાગની ટીમ ગુજરાત આવી છે. ત્યારે કેન્દ્રીય આરોગ્ય ટીમની ગુજરાત મુલાકાતને લઇ નાયબ મુખ્યમંત્રી નીતિન પટેલે માહિતી આપી. તેઓએ કહ્યું કે કેન્દ્રની ટીમ અમદાવાદ-ગાંધીનગરની મુલાકાત લેશે. દરેક રાજ્યની મુલાકાત માટે કેન્દ્ર ટીમ મોકલે છે. કેન્દ્રની ટીમ આપણી વ્યવસ્થા વિશે જાણકારી મેળવશે. આ ઉપરાંત નાણાકીય-મેડિકલ સહાય વિશે જાણકારી લેશે. નીતિન પટેલે કહ્યું કે સૌથી વધુ સંક્રમણનો ભય આરોગ્ય વિભાગના કર્મીને હોય છે.
કોરોનાના કહેરને લઈને કેન્દ્રીય આરોગ્યની ટીમ અમદાવાદની મુલાકાતે આવી છે.. ત્યારે કેન્દ્રીય આરોગ્યની ટીમે સેટેલાઈટ સેન્ટરની મુલાકાત લીધી. સેટેલાઈટ સેન્ટરને માઈક્રો કન્ટેઈનમેંટ જાહેર કરાયો છે. જેથી કેન્દ્રીય આરોગ્યની ટીમે સેટેલાઈટ સેન્ટરની મુલાકાત લીધી. કેન્દ્રની ટીમ આગળ સારી છાપ પાડવા માટે કોર્પોરેશનની ટીમ દ્વારા સ્ટીકર મારવામાં આવ્યા છે.. આ સેન્ટર પર PI કક્ષાના અધિકારીઓને તૈનાત કરાયા છે. કેન્દ્રની ટીમે કોર્પોરેશનના અધિકારીઓની ઝાટકણી કાઢી, છે. આ દરમિયાન કોર્પોરેશનના અધિકારીઓ જવાબ આપી શક્યા ન હતા.
રાજ્યમાં કોરોના વાયરસના કેસ સતત વધી રહ્યાં છે. ત્યારે કોરોનાની સમીક્ષા કરવા માટે કેન્દ્રની ટીમ ગુજરાત આવી છે. અમદાવાદમાં કન્ટેઇનમેંટ ઝોનની મુલાકાતે કેન્દ્રની ટીમ આવી છે. જેમાં તેઓએ ગોતા, ઘાટલોડિયમાં નિરીક્ષણ કર્યું છે. તો કેન્દ્રની ટીમ આવતા તંત્ર દ્વારા વધુ ટેસ્ટ થતા હોવાનો દેખાડો કરવામાં આવ્યો છે. અને કોરોનાની સારવાર અને ટેસ્ટ વધુ થતા હોવાનું બતાવાના ખોટા પ્રયાસ કરવામાં આવ્યા છે. ઘાટલોડિયામાં એમ્બ્યુલન્સ ઉભી કરીને ટેસ્ટ થતા હોવાનું બતાવાયું છે. જ્યારે ઘાટલોડિયામાં ટેસ્ટની વાસ્તવિક સ્થિતિ અલગ જ છે.