ગુજરાતમાં કોરોના પોઝિટિવની સંખ્યા ભારતમાં મહારાષ્ટ્ર બાદ સૌથી વધુ છે. 214ના મોત અને 4395 કેસ સાથે મહારાષ્ટ્ર બાદ ગુજરાતે કોરોના સંક્રમિત બીજા નંબરનું રાજ્ય બન્યુ છે. ત્યારે કેન્દ્ર સરકારે રાજ્યો સાથે મળીને કોરનાના સંક્રમણને આધારે ગ્રીન, રેડ અને ઓરેન્જ જિલ્લાઓનું લિસ્ટ જાહેર કર્યુ છે.
ગુજરાતના 9 જિલ્લાઓને રખાયા રેડ ઝોનમાં
ગુજરાતના 19 જિલ્લાઓને ઓરેન્જ ઝોનમાં સ્થાન
ગુજરાતના 5 જિલ્લાઓનો ગ્રીન ઝોનમાં સમાવેશ
કેન્દ્રએ રાજ્યોના સેક્રેટરીઓ સાથે બેઠક બાદ લિસ્ટ જાહેર કર્યું છે. જેમાં કેન્દ્રની યાદી બાદ રાજ્ય સરકાર ઝોન મુજબ છૂટછાટ આપશે.
કેન્દ્ર સરકારે દેશના જિલ્લાઓના ઝોનનું લિસ્ટ જાહેર કર્યું છે. જેમાં 9 જિલ્લાઓને રેડ ઝોનમાં રખાયા છે. અને ગુજરાતના 19 જિલ્લાઓને ઓરેન્જ ઝોનમાં સ્થાન અપાયું છે. જ્યારે ગુજરાતના 5 જિલ્લાઓનો ગ્રીન ઝોનમાં સમાવેશ કરાયો છે.
રેડ ઝોનમાં કયા જિલ્લા?
અમદાવાદ, સુરત, વડોદરા, ગાંધીનગર , બનાસકાંઠા, પંચમહાલ, આણંદ, અરવલ્લી , ભાવનગરનો સમાવેશે થાય છે.
ઓરેન્જ ઝોનમાં કયા જિલ્લા?
રાજકોટ, ભરૂચ, બોટાદ, નર્મદા, છોટાઉદેપુર, મહીસાગર, મહેસાણા, પાટણ, ખેડા, વલસાડ, દાહોદ, કચ્છ, નવસારી, ગીરસોમનાથ, ડાંગ, સાબરકાંઠા, તાપી, જામનગર, સુરેન્દ્રનગરનો સમાવેશ થાય છે.
ગ્રીન ઝોનમાં કયા જિલ્લા?
મોરબી, અમરેલી, પોરબંદર, જૂનાગઢ, દ્વારકાનો સમાવેશે થાય છે.