LOCKDOWN / હવે જીવનજરૂરી સામાન માટે પણ નહીં નીકળવું પડે બહાર, આ રહ્યા હેલ્પલાઈન નંબર 

• બનાસકાંઠા કલેક્ટરે કર્યુ ટ્વીટ
• જાહેર કર્યા હોમડિલિવરી નંબર
• વેપારીઓ સાથે મળીને લીધો નિર્ણય

બનાસકાંઠામાં કરાઈ સગવડ

બનાસકાંઠા જિલ્લા કલેક્ટરના ઓફિશિયલ ટ્વિટર હેન્ડલ પરથી આ અંગેની જાહેરાત કરવામાં આવી છે.

બનાસકાંઠા જિલ્લા કરીયાણા એસોસિયેશન દ્વારા #Covid_19 ના સંક્રમણને ફેલાતો અટકાવવાના ઉદ્દેશ સાથે જીવનજરૂરી ચીજવસ્તુઓની હોમ ડીલીવરી કરવાનુ આયોજન કરેલ છે. આ નિર્ણયને જિલ્લા વહીવટીતંત્ર વતી આવકારૂ છું. @CMOGuj @pkumarias pic.twitter.com/62yZIzpg1Z

— CollectorBanaskantha (@CollectorBK) March 25, 2020

કલેક્ટરે ટ્વિટ કરીને જાણકારી આપી

બનાસકાંઠા કલેક્ટરે આ અંગે ટ્વિટ કરીને જાણકારી આપી હતી કે, "બનાસકાંઠા જિલ્લા કરિયાણા એસોસિયેશન દ્વારા કોરોનાને ફેલાતો અટકાવવાના ઉદ્દેશ સાથે જીવનજરૂરી ચીજવસ્તુઓની હોમ ડિલિવરી કરવાનુ આયોજન કરવામાં આવ્યું છે. આ નિર્ણયને જિલ્લા વહીવટીતંત્ર વતી વધાવી લેવામાં આવ્યો છે અને તે અંગે હેલ્પલાઈન નંબરનું લિસ્ટ જાહેર કરવામાં આવ્યુ છે. 

ગાંધીનગરમાં વ્યવસ્થા

સર્વ વિદ્યાલય કડી અને ગાંધીનગર દ્રારા કોરોના વાયરસની મહામારીના સમયે અગમચેતીના ભાગરૂપે વ્યવસ્થા કરી. સર્વ વિદ્યાલય કેળવણી મંડળ, કડી-ગાંધીનગર, કડી સર્વ વિશ્વ વિદ્યાલય-ગાંધીનગર, શ્રી કડવા પાટીદાર કેળવણી ઉત્તેજક મંડળ-કડી કોરોના વાયરસ ની મહામારીના અનુસંધાને તમામ કેમ્પસો લોકડાઉન કરી દેવા માં આવ્યા છે. 

ગમે ત્યારે જરૂરીયાતના સમયે ક્વોરન્ટાઈનમાં ૨૦૦૦ વ્યક્તિઓને રાખી શકાય તેવી વ્યવસ્થા કડી અને ગાંધીનગર કેમ્પસની હોસ્ટેલોમાં રૂમો પણ તૈયાર કરી રાખવામાં આવી છે. 
તેમજ સમાજમાં રહેતા તમામ નિરાશ્રીતો માટે રોજના પાંચ હજાર વ્યક્તિઓને સતત દસ દિવસ સુધી ભોજન આપી શકાય તેવી સંપૂર્ણ વ્યવસ્થા ગોઠવી દેવામાં આવી છે. તેમજ એક પરિવારના ચાર સભ્યોને એક અઠવાડિયા સુધી ચાલે તેટલું (ગ્રોસરી) અનાજ, કરીયાણું અને તેલ જેવી જીવન જરૂરીયાતની ચીજ વસ્તુઓ ની એક હજાર કીટો કડી અને ગાંધીનગરના કેમ્પસમાં તૈયાર કરવામાં આવી છે. 
1000 પરિવારો ને પરિસ્થિતિ ખરાબ થાય તેવા સંજોગોમાં આ સીધુ-સામાન (ગ્રોસરી) તેઓના ઘર સુધી પહોંચાડી શકાય અને એક અઠવાડિયા સુધી  જમવાની સગવડ મળી રહે તેવી મજબુત વ્યવસ્થા કરેલ છે. 

આ અંગે ઈમરજન્સી સંપર્ક માટે સંસ્થા દ્વારા ગાંધીનગર માટે ૯૮૨૪૬૭૯૩૩૮ અને કડી માટે ૯૮૯૮૧૨૭૬૭૧ નંબર જાહેર કરવામાં આવ્યા છે.

અમદાવાદમાં સમાજસેવી સંસ્થાની પહેલ

આ સંકટ સમયે કોઈને જમવાની વ્યવસ્થા ન થતી હોય તેના માટે કઢી ખીચડી સાંજે ૮ થી ૧૦

જેને જરૂર હોય અથવા તમારા ધ્યાનમાં કોઈ જરૂરિયાત વાળી વ્યક્તિ હોય તો ફોન અથવા મેસેજ કરશો... તે એડ્રેસ ઉપર કઢી ખીચડી પહોંચાડી દેવામાં આવશે...

સ્વરાજ ફાઉન્ડેશન સંચાલિત રાઇઝિંગ ઇન્ડિયા પરિવાર 

• હર્ષિલભાઈ શાહ 9904086429
• wa.me/919904086429
• અંકિતભાઈ દાવડા 9974095343
• wa.me/919974095343
• વિશાલભાઈ સોલંકી 9924208668
• wa.me/919924208668

ગુજરાત સરકારે કરી જાહેરાત

કોરોના વાયરસને ફેલાતો અટકાવવા માટે કેન્દ્ર સરકારે 21 દિવસના લૉકડાઉનની જાહેરાત કરી છે. વડાપ્રધાન મોદીએ રાષ્ટ્રને સંબોધન કરતા આ જાહેરાત કરી હતી. સાથે રાજ્ય સરકારોને એવો પણ અનુરોધ કર્યો હતો કે સરકાર એવી વ્યવસ્થા ગોઠવે જેનાથી નાગરિકોને જીવનજરૂરી વસ્તુઓ સરળતાથી મળી રહે.