છત્તીસગઢથી આવેલી યુવતીઓ વાપીની વેલસ્પન કંપનીમાં ફસાઈ છે. પ્રધાનમંત્રી કૌશલ યોજના હેઠળ આ યુવતીઓ વાપીમાં આવી હતી. 33 જેટલી યુવતીઓ વેલસ્પન કંપનીમાં કામ કરવા આવી હતી અને કોરોનાની મહામારીના કારણે લોકડાઉનમાં ફસાઈ હતી. આ યુવતીઓની મુશ્કેલી જોઈને હિંદુ સંગઠનો યુવતીઓની વ્હારે આવી છે. હિંદુ સંગઠનોએ સ્પેશ્યલ વાહનની વ્યવસ્થા કરાઈ છે. જરૂરી સામાન આપીને યુવતીઓને વતન જવા રવાના કરાઈ છે. વલસાડ તંત્ર અને છત્તીસગઢ સરકાર સાથે સંકલન કરીને યુવતીનોઓને પરત મોકલી છે.
પ્રધાનમંત્રી કૌશલ યોજના હેઠળ છત્તીસગઢની 33 યુવતીઓ વાપી નજીકના મોરાઇ ની એક કંપનીમાં નોકરીએ લાગી હતી.. જોકે નોકરીએ લાગ્યા બાદલોકડાઉં આ કારણે આ યુવતીઓ છેલ્લા બે મહિનાથી વાપીના મોરાઇ માં જ ફસાઈ ગઈ હતી. પ્રધાનમંત્રી કૌશલ યોજના હેઠળ આ યુવતીઓ મોરાઇ ની જાણીતી વેલસ્પન કંપનીમાં નોકરીએ લાગી હતી.
પોતાના વતનથી દૂર વાપીમાં ફસાઈ જતા તેઓ એ વલસાડના તંત્રની સાથે છત્તીસગઢ સરકાર સમક્ષ પણ મદદ માટે અપીલ કરી હતી. જોકે યુવતીઓની રજુઆતો સાંભળવામાં ન આવતા 18 થી 25 વર્ષ ની યુવતીઓની સાથે તેમના પરિવારજનો પણ તેમની સુરક્ષાને લઇને ચિંતિત હતાં. આવા સમયે બજરંગ દળ સહિતના હિન્દુ સંગઠનો યુવતીઓની વહારે આવ્યા હતા.
હિંદુ સંગઠનોએ આર્થિક સહાય કરી આ યુવતીઓને તેમના વતન છત્તીસગઢ મૂકવા માટેના પ્રયાસો શરૂ કર્યા હતા. હિંદુ સંગઠનોએ યુવતીઓને વતન માં મુકવા માટે વલસાડ જિલ્લા વહીવટી તંત્રની સાથે છત્તીસગઢ સરકાર અને ત્યાંના સંબંધિત વિભાગનો સંપર્ક કર્યો હતો. અને જરૂરી પ્રક્રિયા પૂરી કરી હતી. અને આખરે આજે આ યુવતીઓને હિંદુ સંગઠનોએ આર્થિક સહાય કરી વાહનની વ્યવસ્થા કરી હતી. અને તેઓને સોશિયલ ડિસ્ટન્સ સાથે સ્પેશિયલ વાહનમાં વતન છત્તીસગઢ માટે રવાના કરી હતી.
વતન માં મુકવા અગાઉ હિંદુ સંગઠનોએ યુવતીઓના મેડિકલ ચેકઅપ સહિતની જરૂરી દસ્તાવેજી પ્રક્રિયા પૂર્ણ કરી હતી. અને હેમખેમ તેઓને વતન પહોંચવા માટે આર્થિક સહાય ની સાથે સફરમાં જરૂરી સામાન ની પણ મદદ કરી હતી. આમ વતનથી હજારો કિલોમીટર દૂર પરિવાર થી વિખુટી પડેલી યુવતીઓની વહારે હિન્દુ સંગઠનો આવી તેમને એમ તેમના ઘરે પહોંચાડવાની વ્યવસ્થા કરવામાં આવી હતી જેથી યુવતિઓમાં પણ આનંદની લાગણી છવાઈ હતી. અને હિન્દુ સંગઠનો આભાર માન્યો હતો.