Audio / રાજકોટ: ભાજપના નેતા જેન્તી ઢોલની ઓડિયો ક્લિપ વાયરલ, આત્મનિર્ભર ગુજરાત યોજનાને કહી ખોટી

• ભાજપના નેતા જેન્તી ઢોલની ઓડિયો ક્લીપ વાયરલ
• સરકારની આત્મનિર્ભર સહાય યોજનાની કાઢી ઝાટકણી
• સરકારની જાહેરાત ખોટી હોવાની વાત કરી રહ્યાં છેઃ જેન્તી ઢોલ

સરકાર દ્વારા આત્મનિર્ભર સહાય યોજનાના નામે એક લાખ સુધીની લોનની જાહેરાત કરવામાં આવી છે.. ત્યારે હવે રાજકોટના ભાજપના નેતા જેન્તિ ઢોલની ઓડિયો ક્લિપ વાયરલ થઈ છે.. આ ઓડિયો ક્લિપમાં તેમણે સરકારની જાહેરાતને ખોટી ગણાવી છે.આ લોનથી સરકારને કોઈ લેવા દેવા ન હોવાનો જેન્તી ઢોલે જણાવ્યું છે. જેન્તી ઢોલ ગોંડલ નાગરિક સહકારી બેંકના ચેરમેન છે.મહત્વનું છે કે, સરકારની જાહેરાત બાદ દેશભરમાં લોકોએ લોનના ફોન માટે સહકારી બેંકમાં લાઈન લગાવી છે. ત્યારે હવે ભાજપના નેતાની ઓડિયો ક્લિપ વાયરલ થતા અનેક સવાલ થઈ રહ્યા છે. 

સરકાર સ્ટેહોમના નારા લગાવે છે પણ સામાન્ય માણસોને લાઈનો લગાવવાનું પણ નથી ચુકતી. પહેલા સસ્તા અનાજની લાઈનો પછી ખાતામાં રૂા. 1000 જમા થવાની લાઈનો અને પછી શ્રમિકોનો વતન પરત જવા માટે ટિકિટોની લાઈનો અમદાવાદમાં અચાનક દૂધ અને દવા સિવાયની દુકાનો બંધ કરવાનો નિર્ણય લેવાતા બજારોમાં લાઈનો. આ લાઈનોને કારણે કોરોના કાબૂમાં તો નથી આવવાનો પણ કોરોના વાયરસ વકરવાની ભીતિ દેખાઈ રહી છે. 

સરકારે માર્યો યુ ટર્ન

આત્મનિર્ભર સહાય યોજનામાં સહાકર વિભાગે સુચના જાહેર કરી છે. જેમાં જે સક્ષમ હશે તેને જ સહકારી સંસ્થાઓ લોન આપશે. સહકાર વિભાગે સૂચના જાહેર કરી કહ્યું કે જે લોન આપવા સક્ષમ હશે તેને લોન મળશે. અને સંસ્થાઓ ક્રાઇટેરિયા નક્કી કરીને લોન અપાશે. રાજ્ય સરકારે 6 ટકાના દરે લોન આપવાનું નક્કી કર્યું છે. ત્યારે લોનની જાહેરાત થતા જ બેંકો પર લોકો ઉમટી પડ્યા છે. લોકોનો ઘસારો જોઇને સહકાર વિભાગે સૂચના જાહેર કરી છે.

કોંગ્રેસે લગાવ્યા આક્ષેપો

આત્મનિર્ભર યોજના અંગે કોંગ્રેસ પ્રવક્તા મનીષ દોશીનું નિવેદન આવ્યુ છે. કેટલી લોન આપવી તેનો નિર્ણય બેન્કોને આપ્યો છે. સરકાર ગરીબો સાથે છેતરપિંડી કરી રહી છે. લોન પરત કરવાની ક્ષમતાની ચકાસણી બેન્ક કરશે. સરકાર આટીઘૂંટી કરી નાના માણસોને હેરાન કરવાનું બંધ કરે છે. સરકાર લોકોને લાઈનમાં ઉભા રાખી આત્મનિર્ભર બનાવવા માંગે છે. 

લાગી છે લાંબી લાઈનો

સરકાર દ્વારા લોકડાઉન સમયે વેપારીઓ, કારીગરો સહિતને આર્થિક મુશ્કેલી ન પડે તેને લઇ આત્મનિર્ભર ગુજરાત સહાય લોનની જાહેરાત કરી છે. ત્યારે અમદાવાદમાં ઇન્કમટેક્સ ખાતે ADC બેન્ક પર મોટી સંખ્યામાં લોકોની લાઇન લાગી છે. ઇન્કમટેક્સ ખાતે ADC બેન્ક પર એક કિલોમીટર લાંબી લાઇન જોવા મળી છે. લોન યોજનાના ફોર્મ લેવા લોકોની ભીડ જામી છે. નાના વેપારીઓ, કારીગરો, વ્યવસાયિકોને લોન આપવામાં આવી રહી છે. ત્યારે લોનના ફોર્મ લેવા માટે લાંબી લાઇન લાગી છે.

સરકારે કરી હતી જાહેરાત