વિવાદ / મહામારીમાં ભાજપના લોકો સરકારી કાર્યક્રમો અને ચૂંટણીમાં વ્યસ્ત છેઃ અમિત ચાવડા

• સુરતની હોસ્પિટલમાં સ્ટાફ ઓછો છેઃ ચાવડા
• એજન્સીઓ દ્વારા શોષણ કરવામાં આવે છેઃ ચાવડા
• કોરોનાગ્રસ્ત દર્દીઓને ઇન્જેક્શન નથી મળી રહ્યાઃ ચાવડા

કોરોનાની કામગીરીમાં રાજ્યસરકાર સંપૂર્ણ નિષ્ફળ  નીવડી છે. આ પ્રકારનો આક્ષેપ અમિત  ચાવડાએ લગાવ્યો છે. તેમણે ઇંજેક્શનની કાળા બજારી અને સહિતના મુદ્દે રાજ્ય સરકાર પર પ્રહાર કર્યાં હતા. તેમણે જણાવ્યું હતું કે,  ભાજપના લોકો સરકારી કાર્યક્રમો અને ચૂંટણીમાં વ્યસ્ત છે જ્યારે જનતા પરેશાન છે. ઇંજેક્શનની કાળા બજારીના કારણે  કોરોનાગ્રસ્ત દર્દીઓને ઇન્જેક્શન નથી મળી રહ્યા. તેમણે જણાવ્યું હતું કે,  ગુજરાત મોડલ ફેઇલ સાબિત થયું છે. ટેસ્ટિં ઓછા થતાં સંક્રમણ વધ્યાનો પણ આક્ષેપ ક્રોંગ્રસ પ્રદેશ પ્રમુખ અમિત ચાવડાએ લગાવ્યો છે.

હાલ શું છે સુરતમાં કોરોનાની સ્થિતિ?

સુરતમાં કોરોનાનું સંક્રમણ વધી રહ્યું છે. અમદાવાદ બાદ સૌથી વધુ સુરતમાં કેસ નોંધાઇ રહ્યા છે. આજે સુરતમાં 293 નવા કોરોનાના કેસ નોંધાયા છે. જેમાં સુરત કોર્પોરેશનમાં 199 અને સુરત જિલ્લામાં 94 કેસ નોંધાયા છે. આ સાથે સુરતમાં કોરોનાનો કુલ આંકડો 12,223 પર પહોંચ્યો છે. સુરતમાં આજે 148 દર્દીઓ સ્વસ્થ થયા છે. જેથી કુલ સ્વસ્થ થયેલા દર્દીનો આંકડો 8,301 પર પહોંચ્યો છે. તો આજે સુરતમાં 11 દર્દીઓના મોત થયા છે. આ સાથે સુરતમાં અત્યાર સુધીમાં કુલ 381 દર્દીના મૃત્યુ થયા છે. સુરતમાં હાલ 3440 એક્ટિવ કેસ છે.

હાલ શું છે અમદાવાદમાં કોરોનાની સ્થિતિ?

છેલ્લા 24 કલાકમાં અમદાવાદમાં 156 કેસ નોંધાયા છે. જેમાં અમદાવાદ કોર્પોરેશનમાં 147 અને અમદાવાદ જિલ્લામાં 9 કેસ નોંધાયા છે. આ સાથે અમદાવાદમાં કોરોનાનો કુલ આંકડો 26,032 પર પહોંચ્યો છે. અમદાવાદમાં આજે 166 દર્દીઓ સ્વસ્થ થયા છે. જેને લઇને કુલ સ્વસ્થ થયેલા દર્દીઓનો આંકડો 21,016 પર પહોંચ્યો છે. અમદાવાદમાં આજે 4 દર્દીઓના મોત થયા છે, જેની સાથે અમદાવાદનો કોરોનાથી મૃત્યુઆંક 1585 પર પહોંચ્યો છે. હાલ અમદાવાદમાં 3431 એક્ટિવ કેસ છે. 

રાજ્યના વિવિધ જિલ્લામાં નોંધાયેલા આજના કોરોના વાયરસના કેસની વિગત 

ગુજરાતના તમામ જિલ્લાઓમાં અત્યાર સુધીમાં નોંધાયેલા કોરોનાના કેસની વિગત (આ માહિતી રાતે 8 વાગ્યા સુધીની છે)