GOOD NEWS / અમદાવાદને વુહાન બનતું અટકાવવા દિલ્હીથી બોલાવાયા સ્પેશ્યાલિસ્ટ, આરોગ્ય સચિવે કરી જાહેરાત

• કોરોનાને રોકવા અમદાવાદમાં આવ્યા સ્પેશ્યાલિસ્ટ
• સીએમ રૂપાણીએ ગૃહમંત્રી અમિત શાહને કરી હતી વિનંતી
• અમદાવાદમાં કોરોનાને પહોંચી વળવા માંગી હતી મદદ

આરોગ્ય વિભાગના અગ્ર સચિવે વધુમાં જણાવ્યું હતું કે, અત્યાર સુધીમાં રાજ્યમાં કુલ કોરોના પોઝિટિવ લોકોની સંખ્યા 7403 પર પહોંચી છે. તેમણે વધુમાં કહ્યું કે, રાજ્યમાં છેલ્લા 24 કલાકમાં 24 દર્દીઓના આજે મોત થયા છે. રાજ્યમાં કોરોનાથી અત્યાર સુધીમાં 449 દર્દીઓના મૃત્યુ થયા છે.

ગુજરાતની કોરોનાની સ્થિતિનો તાગ લેવા દિલ્હી AIIMS ના ડાયરેક્ટર આજે રાતે અમદાવાદ આવશે

મુખ્યમંત્રી વિજયભાઇ રૂપાણીએ કેન્દ્રીય ગૃહમંત્રી  અમિતભાઇ શાહને પ્રવર્તમાન કોરોના COVID-19ની સ્થિતીમાં ગુજરાતમાં માર્ગદર્શન માટે શ્રેષ્ઠ તબીબોની ટીમ મોકલવા કરેલી રજૂઆતનો અમિક શાહે સફળ પ્રતિસાદ આપ્યો છે.

એઇમ્સ નવી દિલ્હીના ડાયરેકટર અને વરિષ્ઠ તબીબ ડૉ. રણદીપ ગુલેરીયા અને ડૉ. મનીષ સુનેજા આજે શુક્રવાર રાત્રે અમદાવાદ પહોંચશે, આ સાથે જ આ તબીબો આવતીકાલ શનિવારે સિવીલ હોસ્પિટલ કેમ્પસની COVID-19 હોસ્પિટલ અને એસ.વી.પી હોસ્પિટલની મૂલાકાત લેશે. આ બન્ને વરિષ્ઠ તબીબો ગુજરાતમાં કોરોનાગ્રસ્તોની સારવાર કરતા તબીબો, પેરામેડિકલ સ્ટાફ તેમજ દર્દીઓ સાથે વાતચીત કરીને જરૂરી સલાહ અને માર્ગદર્શન પૂરૂં પાડશે.