ગુજરાતમાં કોરોનાનું સંકટ માથે ઉભુ છે ત્યારે સરકારી હોસ્પિટલો હજુ પણ ન સેનેટાઈઝ કરાઈ રહી છે ન સ્વચ્છ કરાઈ રહી છે. હજુ પણ સરકારી હોસ્પિટલોમાં દર્દીઓને સારવારને બદલે બીજા રોગનું સંક્રમણ ન લાગી જાય તો સારૂ એવી પરિસ્થિતિ ઉભી થઈ છે. હોસ્પિટલમાં દાખલ એક દર્દીએ આ અંગે વીડિયો બનાવીને વાયરલ કર્યો છે.
દર્દીઓને રાખવામાં આવેલ વોર્ડને સેનેટાઇઝ કરાતો નથી
દર્દીએ પોતાની સારવાર શરૂ કરવામાં મોડું થયું હોવાનો કર્યો આક્ષેપ
SVP હોસ્પિટલમાં મળતી સારવારને લઇ ઉઠાવ્યા સવાલો
અમદાવાદની SVP હોસ્પિટલની બેદરકારી સામે આવી છે. દર્દીએ વીડિયો બનાવી અંદરની સ્થિતિ દર્શાવી છે. દર્દીઓને રાખવામાં આવ્યા ત્યાં સ્વચ્છતાનો અભાવ જોવા મળી રહ્યો છે. તો દર્દીઓને રાખવામાં આવેલા વોર્ડને સેનેટાઇઝ કરાતો નથી. દર્દીએ પોતાની સારવાર શરૂ કરવામાં મોડું થયું હોવાનો આક્ષેપ કર્યો છે. SVP હોસ્પિટલમાં મળતી સારવારને લઇ સવાલો ઉઠાવ્યાં છે. હોસ્પિટલની સફાઈ સહિતની બેદરકારીની પોલ ખોલી છે.
શું ઉઠાવ્યા પ્રશ્નો
મણીનગરના મંથન પટેલે વીડિયો બનાવ્યો છે. બે દિવસથી સખત તાવ, માથુ અને ગળુ દુખતુ હતુ. સારવાર શરૂ જ નથી થઈ રહી. એલીસબ્રિજ SVP ખાતે સારવાર માટે આવ્યો છું પણ કોઈ જોવા જ નથી આવતા.
25 પોઝિટિવ કેસને ઉપર લઈ જવામાં આવ્યા છે. હું સુતો છું એ જ જગ્યા કોરોના પોઝિટિવ કેસ છે. ગંદકી છે. જમવાનું દવા આપી દીધુ છે. તમે જેને કહેવું હોય તેને કહો. મીડિયાને બોલાવો અમે તો આ જ રીતે કામ કરશું.