મદદ / મહામારીમાં માનવતા: અમદાવાદની આ સોસાયટીએ કરી એવી પહેલ કે કરશો સલામ

• કોરોનાના કહેર વચ્ચે માનવતા મહેકી 
• કલબ હાઉસમાં ઉભી કરાઈ હોસ્પિટલ
• શીતલ એકવા સોસાયટીએ શરૂ કરી વ્યવસ્થા

વધી રહેલા કોરોનાના કેસો માં હવે શહેરની સ્થિતિ એવી થઇ છે કે હોસ્પિટલમાં બેડ ફુલ જોવા મળી રહ્યા છે તો એમ્બ્યુલન્સ ,સ્માશન સહીતમાં વેઇટિંગ જોવા મળી રહ્યા છે ત્યારે શહેરની એક એવી સોસાયટી સામે આવી છે કે જ્યાં સોસાયટીઓમાં જ લોકો હવે હોસ્પિટલ બનાવીને દર્દીઓને સારવાર મળી રહે તેવી વ્યવસ્થા કરાઈ છે ત્યારે એક સોસાયટીમાં માનવતાની મહેક જોવા મળી છે. 

અમદાવાદમાં કોરોના કેસનો રાફડો ફાટી નીકળ્યો છે એપ્રિલ મહિનામાં  7 જ દિવસમાં 15 હજાર કેસ સામે આવતાં તંત્ર સામે અનેક મુશ્કેલીઓ છે જેમાંથી સૌથી મોટી મુશ્કેલી છે હોસ્પિટલની વ્યવસ્થા. અમદાવાદ શહેરની તમામ ખાનગી હોસ્પિટલના બેડ ફુલ થઈ ચુક્યા છે આવામાં હોમ કોરોન્ટાઈન ફેસિલીટી માટે પણ અનેક હોસ્પિટલે વ્યવસ્થા ગોઠવી છે ત્યારે અમદાવાદની એક એવી સોસાયટી સામે આવી છે જેને હોસ્પિટલ જ સોસાયટીમાં ઉભી કરી છે. 

ગુજરાતમાં અમદાવાદ કોરોનાનું હોટસ્પોટ બન્યું છે. એક દિવસમાં ગુજરાતમાં કોરોનાના સૌથી વધુ કેસ અમદાવાદમાં નોંધાયા છે. અમદાવાદમાં કોરોનાના દૈનિક કેસની સંખ્યા 3 હજારને પાર થઈ ગઈ છે ગઈ કાલે એક દિવસની અંદર અમદાવાદમાં કોરોનાના 3 હજાર 241 નવા કેસ નોંધાયા છે. 

આ દ્રશ્ય જોશો તો લાગશે કે આ કોઈ VVIP હોસ્પિટલ છે પરંતુ તમને જણાવી દઈએ કે આ હોસ્પિટલમાં નહિ પરંતુ આ સોસાયટી નું કલબ હાઉસ છે જેને હોસ્પિટલ બનાવવામાં આવ્યું છે અમદાવાદના શાહીબાગ વિસ્તારમાં શિતલ એકવા દ્રારા અમદાવાદની તમામ હોસ્પિટલના બેડ ફુલ થઈ જતાં અમદાવાદના રિવરફ્રન્ટ શાહીબાગ ના શિતલ એકવાએ અનોખો પ્રયાસ હાથ ધર્યો છે.  એપાર્ટમેન્ટનાં ક્લબ હાઉસને કોવિડ કેર સેન્ટર ઉભું કરીને એપાર્ટમેન્ટનાં રહીશો સહિત સરકારને પણ મેનેજમેન્ટ શીખવ્યું છે. 

અમદાવાદના શાહીબાગ ખાતે આવેલાં શિતલ એક્વામાં 140 જેટલાં  ફલેટનાં રહીશોએ જોડે મળીને ક્લબ હાઉસની જગ્યામાં કોવિડ કેર સેન્ટર ઉભું કર્યું છે જ્યાં હોસ્પિટલની જેમ જ બેડ, વેન્ટીલેટર, ઓક્સિજન સહિતના તમામ સાધનો ઉપલબ્ધ કરવામા આવ્યા છે. છેલ્લાં 5 દિવસથી આ રીતે એપાર્ટમેન્ટમાં હોસ્પિટલ ઉભી કરવામાં આવી છે. જ્યાં એપાર્ટમેન્ટનાં રહીશો એડમિટ થાય છે , એટલું જ નહીં અહીં કેટલાંક રેસિડેન્ટ ડોક્ટર્સ માનવતાની દ્દષ્ટિએ મફતમાં સેવા પણ આપવા આવે છે. જેમની માટે પીપીઈ કીટ સહિતની તમામ વસ્તુઓ હાથવગી રાખવામાં આવી છે
 
આ સુંદર સેવાનો લાભ અહીંયા રહેતા કોવિડ પોઝિટિવ લોકોએ લીધો છે અને 6 દર્દીઓ સાજા પણ થયા છે  રહીશોએ જ હોસ્પિટલની જેમ જ અહીં ઈજેક્શન અને દવાઓ પણ ઉપલબ્ધ કરાવવામાં આવે છે. એપાર્ટમેન્ટનાં કલબ હાઉસને આ રીતે હોસ્પિટલમાં ફેરવીને એપાર્ટમેન્ટનાં રહીશોએ પોતાના મેમ્બર્સ માટે વસુધૈવ કુટુંબ કમની ભાવના દાખવી છે 

કોરોનાકાળમાં વણસી રહેલી બેકાબુ  સ્થિતિને પહોંચી વળવા હવે શહેરીજનો જ આત્મનિર્ભર હોસ્પિટલ રહેણાંક વિસ્તરોમાં ઉભી કરી સરકારને મેનેજમેન્ટ કરવાનું ઉત્તમ ઉદાહરન પૂરું પડ્યું છે ત્યારે vtv આવી સોસાયટીના તમામ મેમ્બર્સને સલામ કરે છે.