અમદાવાદમાં કોરના વાયરસથી વધુ એક પોલીસકર્મીનું મોત થયું છે. આ સાથે જ પોલીસબેડામાં પણ ખળભળાટ મચી ગયો છે. અમદાવાદમાં કોરોનાના 10001 કેસ નોંધાયા છે અને 669 કરતા પણ વધુ લોકોના મોત થયા છે. જેમાં અમદાવાદના કોરોના વોરિયરના પણ મોત થયા છે.
અમદાવાદમાં કોરોનાથી વધુ એક પોલીસકર્મીનું મૃત્યુ
અંદાજે 280 જેટલા પોલીસ જવાનો આ વાયરસના સંક્રમણમાં આવી ચૂક્યાં છે
ASI ગિરીશ બારોટ 4 દિવસ પહેલા હોસ્પિટલમાં થયા હતા દાખલ
કૃષ્ણનગર પોલીસ સ્ટેશનમાં ફરજ બજાવતા ASI ગિરીશભાઈ બારોટનો 4 દિવસ અગાઉ કોરોના ટેસ્ટ પોઝિટિવ આવ્યો હતો. જેમાં કોરોના સામે જંગ લડતા-લડતા આજે તેમણે અંતિમ શ્વાસ લીધા છે. તેમનો રિપોર્ટ પોઝિટિવ આવ્યા બાદ તેમને સારવાર માટે SVP હોસ્પિટલમાં ખસેડવામાં આવ્યા હતા જ્યાં તેમનું મોત થયુ છે.
આ પહેલા 2 પોલીસકર્મીઓનું કોરોના વાયરસના કારણે નિધન થયું હતું. હવે તેમાં વધુ એક મૃત્યુનો આંકડો ઉમેરાયો છે. આ પહેલા કૃષ્ણનગરના હેડ કોન્સ્ટેબલ ભરતજીનું પણ કોરોનાના કારણે મૃત્યું થયું હતું. ASI ગિરીશ બારોટ 4 દિવસ પહેલા હોસ્પિટલમાં દાખલ થયા હતા. ન્યુમોનિયા અને લીવરની તકલીફને કારણે પોલીસકર્મીને હોસ્પિટલમાં દાખલ કરાયા હતા.. કોરોનાની સારવાર દરમિયાન પોલીસકર્મીનું અવસાન થયું છે.
ગઈ કાલે અમદાવાદપોલીસ કંટ્રોલ રૂમના 8 પોલીસકર્મીના કોરોના રિપોર્ટ પોઝિટિવ આવ્યાં છે. જેમાં અત્યાર સુધી 10 પોલીસકર્મીના રિપોર્ટ પોઝિટિવ આવ્યા છે. પોલીસ કંટ્રોલ રૂમમાં પોઝિટિવ કેસ આવતા તંત્રમાં ખળભળાટ મચ્યો છે.
અંદાજે 300 જેટલા પોલીસ જવાનો આ વાયરસના સંક્રમણમાં આવી ચૂક્યાં છે
કોરોનાની સામેના જંગમાં સૌથી વધારે કપરી પરિસ્થિતિ પોલીસ વિભાગના કર્મચારીઓની જોવા મળી રહી છે. આ અગાઉ ડીસીપી કંટ્રોલ રૂમના એક કર્મીના જણાવ્યાં અનુસાર અત્યાર સુધીમાં અંદાજે 300 જેટલા પોલીસ જવાનો આ વાયરસના સંક્રમણમાં આવી ચૂક્યાં છે. જેમાં હાલ અંદાજીત 91 જેટલા સારવાર લઇ રહ્યાં છે. જો કે શહેરના નરોડા વિસ્તારમાં આવેલી શેલ્બી હોસ્પિટલમાં પોસી તેમજ ટીઆરબી અને હોમગાર્ડ જવાનો, એસઆરપી અને પેરામીલેટરીને આ સેવાનો લાભ મળશે.
ઉલ્લેખનીય છે કે આ અગાઉ બે પોલીસ કર્મચારીઓ 18 મેના રોજ પોઝિટિવ આવ્યા હતા. હાલ પોઝિટિવ કેસોની સંખ્યામાં વધારો જોવા મળતાં શહેર પોલીસ કમિશનર કચેરીમાં ફફડાટ જોવા મળી રહ્યો છે. મળતી વિગત અનુસાર આ પોલીસકર્મીઓ એક જ શિફ્ટમાં ફરજ બજાવતા હતા. આ તમામ પોલીસ કર્મચારીઓને કોરોનાના કોઇ લક્ષણો નહીં. આ તમામ પોલીસ કર્મચારીઓને હોટેલમાં ક્વોરન્ટાઇન કરાયા છે.