એક તરફ અમદાવાદમાં કોરોનાએ ભરડો લીધો છે ત્યારે હજુ પણ અમદાવાદીઓ આ બાબતે જરાય ગંભીર નથી. કોટ વિસ્તારમાં કોરોના વાયરસે માઝા મૂકી છે. આખે આખા પરિવાર કોરોનાની ઝપેટમાં આવ્યા છે ત્યારે મનપાએ કાલુપુર શાકમાર્કેટ બંધ રાખવાનો નિર્ણય લીધો હતો. તેનો ગેરલાભ આસપાસ રહેતા લોકોએ લીધો હતો અને ટોળે ટોળા શાકભાજી અને ફ્રૂટસની કાયદેસરની લૂંટ ચલાવી હતી. આ સમગ્ર ઘટના CCTVમાં કેદ થઈ ગઈ હતી. હાલ અમદાવાદમાં 83 કેસ નોંધાયા છે.
માર્કેટમાંથી શાકભાજી અને ફ્રૂટનો જથ્થો સ્થાનિકો લઈ ગયા
20થી 25 દુકાનોમાં શાકભાજી, બટાકાની સ્થાનિકોએ કરી લૂંટ
સમગ્ર લૂંટની ઘટના CCTV કેમેરામાં કેદ
અમદવાદની કાલુપુર શાકમાર્કેટના ચોંકવાનારા દ્રશ્યો સામે આવ્યા છે. કાલુપુર શાકમાર્કેટમાં નજીકની ચાલીમાં રહેતાં સ્થાનિકોએ રીતસર લૂંટ ચલાવી હતી. માર્કેટમાંથી લોકો શાકભાજી અને ફ્રૂટ લઈને ફરાર થઈ ગયા હતા.
સમગ્ર ઘટના CCTV કેમેરામાં કેદ
ઉલ્લેખનીય છે કે, કાલુપુર માર્કેટમાં ભીડ થતી હોવાના કારણે તંત્રએ કાલુપુર માર્કેટને બંધ રાખવા આદેશ આપ્યો છે. જો કે, માર્કેટ બંધ હોવાનો સ્થાનિકોએ ગેરલાભ ઉઠાવ્યો હતો અને વેપારીઓના સામાનની ચોરી કરી હતી. આ સમગ્ર ઘટના CCTV કેમેરામાં કેદ થઈ ગઈ છે.
આસપાસની ચાલીઓના સ્થાનિકોએ લૂંટ ચલાવી
કાલુપુર શાક માર્કેટમાં આસપાસની ચાલીઓના સ્થાનિકોએ લૂંટ ચલાવી હતી. માર્કેટમાંથી શાકભાજી અને ફ્રૂટનો જથ્થો સ્થાનિકો લઈ ગયા હતા. 20થી 25 દુકાનોમાં શાકભાજી, બટાકાની સ્થાનિકોએ લૂંટ કરી હતી. સમગ્ર લૂંટની ઘટના CCTV કેમેરામાં કેદ થઈ ગઈ હતી.