અમદાવાદ / જશોદાનગરનો પોઝિટિવ દર્દી 50થી વધુ લોકોના સંપર્કમાં આવ્યો હતો : પોલીસ કમિશનર

• કોવિડ વોલેન્ટીયરની સ્કીમ મુકવામાં આવશે 
• જશોદા નગરનો કોરોના પોઝિટિવ પેશન્ટ નશામાં
• અફવા ફેલાવનાર સામે ગુનો

અમદાવાદના શહેર પોલીસ કમિશનર આશિષ ભાટિયાની પત્રકાર પરિષદ યોજીને અમદાવાદમાં પોલીસની કામગીરીથી લઈને બંદોબસ્તનો ચિતાર આપ્યો હતો. 

ક્યાં કેટલા ગુના

અત્યાર સુધીમાં 1580 ગુના નોંધી 4767ની ધરપકડ કરાઇ છે. 144, 188ના ભંગ બદલ 1499 ગુના નોંધી 4625 લોકોની ધરપકડ થઈ છે.  ગઈકાલે 168 ગુના નોંધી 464 લોકોની ધરપકડ કરાઈ.  એપેડેમીક ડીસીઝ એકટ મુજબ 76 ગુના નોંધાયા છે. આ ગુનો નોંધી કુલ 126 લોકોની ધરપકડ કરાઈ છે. બબાલ કરનાર લોકો સામે બે ગુના નોંધી 13 લોકોને પકડ્યા. ડિઝાસ્ટર મેનેજમેન્ટ એકટ મુજબ ત્રણ ગુના નોંધી ચારની ધરપકડ કરવામાં આવી છે. 

ડ્રોન મારફતે નજર

25 ડ્રોન દ્વારા 18 ગુના નોંધી 60થી વધુ લોકોને પકડ્યા છે. ગઈકાલે 639 વાહનો ડિટેઇન કરી 7.36 લાખ દંડ વસુલ્યો છે. ભીડ ભેગી થવાના કન્ટ્રોલ રૂમને 280 કોલ મળ્યા હતા. સિનિયર સીટીઝનની સ્કીમમા 3 હજાર લોકોનુ ટિમ દ્વારા ચેકીંગ કરવામાં આવ્યુ હતુ. 

ક્લસ્ટર ક્વોરન્ટાઈનમાં સજ્જડ બંદોબસ્ત

કાલુપુર ફ્રુટ માર્કેટ , દરિયાપુરનું હોલસેલ મૅર્કેટ બંધ કરાયુ છે. ડ્રોનની મદદથી સેનેટાઇઝેશનની કામગીરી કરવામાં આવી રહી છે. નેહરુબ્રિજ બંધ કરતા ત્યાં પણ પોલીસ ફોર્સ મુકવામાં આવી 
ક્લસ્ટર કોરોન્ટાઇન વિસ્તારમાં તમામ પોલીસ ફોર્સ મુકવામાં આવી છે 

અફવા ફેલાવનાર સામે ગુનો

સોસીયલ મીડિયામાં અફવા ફેલાવવા બાબતે 2 ગુના નોંધવામાં આવ્યા છે. પોલીસ સ્ટાફમા કામ કરતા જુનીયર ક્લાર્કની અફવા ફેલાવા મામલે ધરપકડ કરવામાં આવી હતી. 

કોવિડ વોલેન્ટીયરની સ્કીમ મુકવામાં આવશે 

કોવિડ વોલેન્ટીયરની સ્કીમ મુકવામાં આવશે  જેમાં ક્લસ્ટર કોરોન્ટાઇન છે ત્યા એમને જવાબદારી અને સૂચના અપાશે. લોકો માસ્ક સેનેટાઈઝનો ઉપયોગ કરે છે કે નહીં તેની ખાતરી કરાશે.અંદર લોકોના ભેગા થવા પરની તમામ બાબત પર ધ્યાન રાખશે. 

જશોદા નગરનો કોરોના પોઝિટિવ પેશન્ટ નશામાં

જશોદા નગરનો એક પેશન્ટ નશામા જણાયો હતો. પોઝિટિવ કેસનો દર્દી 50થી વધુ લોકોના સંપર્કમાં આવ્યો હતો. વેરીફીકેશન કરી વધુ માહીતી મેળવી કાર્યવાહી કરાશે. કોટ વિસ્તારમાં વધુ બંદોબસ્તનીં જરૂર લાગશે તો તે પ્રમાણે કાર્યવાહી થશે. હાલ પૂરતા પ્રમાણમાં બંદોબસ્ત રાખવામા આવ્યો છે.