જાહેરાત / એક અઠવાડિયામાં અમદાવાદમાં 900 બેડની હોસ્પિટલ તૈયાર, 262 જગ્યાઓ માટે ભરતી જાહેર, પગાર 2 લાખ સુધી

• ગુજરાત યુનિ.ના કન્વેન્શન હોલમાં હોસ્પિટલનું નિર્માણ
• 900 બેડની હંગામી કોવિડ હોસ્પિટલની તૈયારી
• પોર્ટેબલ એક્સ-રે અને 150 બેડના ICUની હશે સુવિધા

ગુજરાતમાં કોરોનાએ માઝધા મૂકી છે ત્યારે અમવાદાદમાં 900 બેડની નવી હોસ્પિટલનું કામકાજ યુદ્ધના ધોરણે શરૂ થઈ ગયુ છે. આગામી અઠવાડિયામાં તો હોસ્પિટલ કાર્યરત પણ થઈ જશે અને આ માટે સ્ટાફની ભરતી ચાલી રહી છે. 

મેડિકલ ભરતીની જાહેરાત કરાઇ છે 

8 હોદ્દા માટે 262 જગ્યાઓની સીધી ભરતી કરાશે જે માટે બે દિવસ ગુગલ મીટથી વોક ઇન ઇન્ટવ્યૂ કરવામાં આવશે. આ માટે 25 હજાર થી 2 લાખ સુધીનો પગાર અપાશે. 6 ફિઝિશિયન, 9 એનેસ્થિસિયા સ્પેશિયાલીસ્ટની ભરતી કરવામાં આવી રહી છે. 20 મેડિકલ ઓફિસર્સની પણ તાત્કાલિક ભરતી કરવામાં આવશે. 200 સ્ટાફ નર્સ, 20 ફિઝિકલ આસિસ્ટંન્ટ, 2 હોસ્પિટલ એડમિનિસ્ટ્રેટિવ, 2 બાયોમેડિકલ એન્જિનિયર, 3 લેબોરેટરી ટેક્નિશિયનની ભરતી કરતી કરવામાં આવશે. આગામી અઠવાડિયા સુધીમાં હોસ્પિટલ કાર્યરત કરવાનું આયોજન કરવામાં આવ્યુ છે. 

યુનિવર્સિટી કન્વેશન હોલ ખાતે તૈયાર કરાઇ હોસ્પિટલ 

કન્વેનશન હોલમાં કોવિડ હોસ્પિટલ ની તૈયારીઓ પૂરજોશમાં ચાલી રહી છે. 900 બેડની હંગામી કોવિડ હોસ્પિટલ તૈયાર કરવામાં આવી રહી છે. હોસ્પિટલ ઉભી કરવાની કામગીરી યુદ્ધના ધોરણે ચાલી રહી છે. આ હોસ્પિટલ DRDO અને ગુજરાત યુનિ. તૈયાર કરી રહ્યા છે. પોર્ટેબલ એક્સ-રે અને 150 બેડના ICUની સુવિધા સાથેની હોસ્પિટલ હશે જેમાં જરૂર પડે નવા 500 બેડ ની વધારાની પણ વ્યવસ્થા રહેશે. આ હોસ્પિટલ માટે મેડિકલ ભરતીની જાહેરાત કરવામાં આવી છે. 

ગુજરાતમાં કોરોનાની સ્થિતિ

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 10,340 નવા કેસ નોંધાયા છે તો સંક્રમણના કારણએ 110 લોકોના મોત નિપજ્યા છે. અને 3,981 દર્દીઓ સાજા થયાં છે. આ સાથે જ અત્યાર સુધીમાં 3,37,545 દર્દીઓ કોરોના મુક્ત થયાં છે. 

છેલ્લા 24 કલાકમાં 110 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 110 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 5377 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 329 લોકો વેન્ટિલેટર પર છે. એક્ટિવ કેસનો આંકડો 61,647 પર પહોંચ્યો છે.

સુરત અને અમદાવાદમાં કોરોના બેકાબૂ 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 3641 કેસ તો અમદાવાદ ગ્રામ્યમાં 53 કેસ નોંધાયા છે. જ્યારે સુરત શહેરમાં 1929 નવા કેસ, જ્યારે સુરત ગ્રામ્યમાં 496 કેસ નોંધાયા છે. વડોદરા શહેરમાં 325 કેસ, જ્યારે ગ્રામ્યમાં 184 કેસ નોંધાયા. રાજકોટ શહેરમાં 683 કેસ અને ગ્રામ્યમાં 128 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...