Coronavirus / ગુજરાતમાં અમદાવાદ છે સૌથી જોખમી શહેર, 3ના મોત પછી અમદાવાદીઓ ઘરમાં જ રહે તો સારૂ

• રવિવારે વધુ 3 કેસ પોઝિટીવ આવ્યા
• અમદાવાદ માથે છે જોખમ
• ગુજરાતમાં 5માંથી એકલા અમદાવાદમાં 3ના મોત

કોરોના વાયરસનો કહેર સમગ્ર વિશ્વની સાથે સાથે ભારતમાં પણ વધી રહ્યો છે. ભારતમાં કોરોનાના પોઝિટીવ કેસની સંખ્યા સતત વધી રહી છે. ત્યારે આ જ વાતની ગંભીરતા ગુજરાતમાં પણ લેવા જેવી છે. ગુજરાતમાં દિવસેને દિવસે કોરોના વાયરસના પોઝિટીવ કેસની સંખ્યામાં વધારો થઈ રહ્યો છે. ગુજરાતમાં હાલ પોઝિટીવ કેસની સંખ્યા 61 થઈ ગઈ છે. આ સાથે જ અમદાવાદમાં પણ કોરોના કેસમાં ગુજરાતમાં ટોપ પર આવી રહ્યું છે. અહીં પોઝિટીવ કેસની સંખ્યા 24 પહોંચી છે જેમાંથી 3ના મોત થઈ ચુક્યા છે.  

અમદાવાદ માથે છે જોખમ

ગુજરાતમાં સૌથી ચિંતાજનક સ્થિતી એ છે કે, ગુજરાતમાં કોરોના વાયરસના કારણે 5 લોકોના મોત થયા છે. જેમાં સૌથી વધુ 3 કેસના મોત તો એકલા અમદાવાદમાં જ થયા છે. ત્યારે આ બાબતે અમદાવાદની સ્થિતી ધીમે ધીમે ખતરનાક સ્વરૂપ ધારણ કરતું હોય તેવું લાગી રહ્યું છે.

કમ્યુનિટિ ટ્રાન્સમાં પ્રવેશી રહ્યો છે કોરોના

અમદાવાદમાં જે 3 વ્યક્તિના મોત થયા છે, તેમાં એક દર્દીનું મોત એસવીજી હોસ્પિટલમાં સારવાર 24 માર્ચના રોજ ખસેડવામાં આવી હતી. જેનુ સારવાર દરમિયાન મોત થયું હતું. આ મહિલાને સ્થાનિક ચેપ લાગ્યો હતો. જ્યાં આ મહિલાને કોરોનાનો કાળ ભરખી ગયો હતો.

રવિવારે વધુ 3 કેસ પોઝિટીવ આવ્યા

ગુજરાતમાં લોકડાઉન વચ્ચે કોરોનાના પોઝિટીવ કેસોમાં વધારો થઈ રહ્યો છે. આજે અમદાવાદમાં ત્રણ અને સૌરાષ્ટ્રમાં ત્રણ અને સુરતમાં એક પોઝિટીવ કેસ નોંધાયા છે.