ક્લસ્ટર કન્ટેનમેન્ટ / ગુજરાતના પાંચ શહેરોના 22 કોરોના ચેપગ્રસ્ત વિસ્તારમાં 1 લાખ જેટલા લોકોને કરાયા લોક

• સુરતમાં 2 વિસ્તારમાં 32,535 લોકોને લોક કરવામાં આવ્યા
• રાજકોટમાં 2 વિસ્તાર ક્લસ્ટર કન્ટેન્ટમેન્ટ
• ભાવનગરમાં 2 વિસ્તારમાં 37,738 લોકો ક્લસ્ટર કન્ટેન્ટમેન્ટ

ગુજરાતમાં અમદાવાદ, સુરત, ભાવનગર, વડોદરા અને રાજકોટમાં 22 વિસ્તારને ક્લસ્ટર કરવામાં આવ્યા છે. જેમાં 98,401 એક લોકોને લોક કરવામાં આવ્યા છે. 

અમદાવાદમાં અત્યાર સુધીમાં 228 કેસ નોંધાઈ ચુક્યા છે જેમાંથી 10 દર્દી સાજા થયા છે જ્યારે 7 લોકોના મોત થઈ ચુક્યા છે. અમદાવાદ મ્યુનિસિપલ કોર્પોરેશન દ્વારા 14 વિસ્તારમાં 22, 525 લોકોને લોક કરવામાં આવ્યા છે. આ વિસ્તારને ક્લસ્ટર કન્ટેન્ટમેન્ટ કરવામાં આવ્યા છે. અહીં હોલ્થ વિભાગની 34 ટીમ મોનિટરીંગ કરી રહી છે. જેમાં 14 M.O, 14 સુપરવાઈઝર, પેરામેડિકલ સ્ટાફના 68 એમ કુલ 290 લોકોની 96 ટીમ છે. 
 
સુરતમાં 2 વિસ્તારમાં 32,535 લોકોને લોક કરવામાં આવ્યા

સુરતમાં 28 કેસ સામે આવ્યા છે. જેમાંથી 4 લોકોના મોત થઈ ચૂક્યા છે અને 5 લોકો સાજા થઈ ગયા છે. સુરત કોર્પોરેશનમાં 2 વિસ્તારમાં 32,535 લોકોને લોક કરવામાં આવ્યા છે એટલે કે, ક્લસ્ટર કન્ટેન્ટમેન્ટ જાહેર કરવામાં આવ્યા છે. અહીં 49 ટીમમાં દ્વારા મેગા સર્વેલન્સ હાથ ધરવામાં આવ્યો છે જેમાં 3 MO, 12 સુપરવાઈઝર, 98 પેરામેડિકલ એમ કુલ 113 લોકો દ્વારા કામગીરી હાથ ધરવામાં આવી છે. 

ભાવનગરમાં 2 વિસ્તારમાં 37,738 લોકો ક્લસ્ટર કન્ટેન્ટમેન્ટ

ભાવનગરમાં કોરોનાના 23 કેસ સામે આવ્યા છે જેમાંથી 2 લોકોના મોત થઈ ચુક્યા છે. ભાવનગરમાં પણ 2 દર્દી દવા બાદ સાજા થઈ ચૂક્યા છે. ભાવનગરમાં 2 વિસ્તારમાં 37,738 લોકોને લોક કરવામાં આવ્યા છે. અહીં 29 હેલ્થ ટીમ દ્વારા યુધ્ધના ધોરણે કામ થઈ રહ્યુ છે જેમાં 3 એમ ઓ, 4 સુપરવાઈઝર, 29 પેરામેડિકલ સ્ટાફ એમ કુલ 36 લોકો કામ કરી રહ્યા છે. 

વડોદરામાં 2 વિસ્તારમાં 5,102 લોકો ક્લસ્ટર કન્ટેન્ટમેન્ટ

વડોદરામાં 77 કેસ સામે આવ્યા છે. જેમાંથી 2ના મોત થઈ ગયા છે અને 7 દર્દી સાજા થઈ ચુક્યા છે. વડોદરા મ્યુનિસિપલ કોર્પોરેશન દ્વારા 2 વિસ્તારમાં 5,102 લોકોને ક્લસ્ટર ક્વોરન્ટાઈન કરવામાં આવ્યા છે. જેમાં 16 ટીમ દ્વારા કામ થઈ રહ્યુ છે. આ ટીમમાં 2 એમ.ઓ, 3 સુપરવાઈઝર અને 16 પેરામેડિકલ એમ કુલ 21 લોકો કામ કરી રહ્યા છે. 

રાજકોટમાં 2 વિસ્તાર ક્લસ્ટર કન્ટેન્ટમેન્ટ

રાજકોટમાં 18 કેસ નોંધાયા છે. જેમાં 4 લોકો સાજા થઈ ચુક્યા છે હજુ સુધી એક પણ મોત નોંધાયુ નથી. રાજકોટ મનપામાં 2 વિસ્તકારમાં 501 લોકોને ક્લસ્ટર કન્ટેન્ટમેન્ટ કરવામાં આવ્યા છે. અહીં 10 ટીમ કામ કરી રહી છે જેમાં 2 એમઓ, 2 સુપરવાઈઝર અને 20 પેરામેડિકલ સ્ટાફ મળીને કામ કરી રહ્યો છે.